पोखरा ४ मा दन्त शिविर

आदर्श समाज सम्वाददाता
असार २०, २०८१
Dental sibir

पोखरा । नेलम्बो नेपाल तथा पोखरा महानगरपालिका वडा ४ कार्यालयको संयुक्त आयोजनामा मंगलबारदेखि निशुल्क दन्त शिविर भएको छ ।

वडाध्यक्ष देवकृष्ण पराजुलीले शिविर उद्घाटन गर्दै बालबालिका तथा ज्येष्ठ नागरिक लक्षित गर्दै शिविर सञ्चालन गरिएको बतँए । उनले नेलम्बो सहकार्यमा शिविर सञ्चालन हुनु आफँैमा महत्वपूर्ण रहेको बताए । उनले वडावासीको स्वास्थ्यमा सरलीकृत गर्न वडा तयार रहेको बताए ।

नेलम्बोका कार्यक्रम संयोजक भीमप्रसाद भण्डारीले मुख स्वास्थ्य मध्यनजर गर्दै शिविर सञ्चालन गरिएको बताउँदे संस्थाले बालविकास परियोजना पनि सञ्चालन गरिरहेको जानकारी दिए । उनले शिविरबाट लाभ लिन वडावासीमा आग्रह गर्दै दाँत स्वाथ्य रहेमात्रै आँत तन्दुरुस्त हुने उल्लेख गरे ।

पोखरा ४ सहरी स्वास्थ्य केन्द्र प्रमुख सुजन पौडेलले शिविर प्रभावकारी बनाउनुपर्ने जनाउँदै स्वास्थ्य जीवनका लागि सन्तुलित आहारविहार एवं नियमित व्यायाम आवश्यक रहेको बताए ।

डा. दीक्षा क्षत्रीको नेतृत्वमा स्वास्थ्यकर्मीको टोली खटिएको उक्त शिविर ३ दिनसम्म चल्नेछ । पहिलो २ दिनसम्म १ सय २० जनाको मुख स्वास्थ्य परीक्षण गरिएको छ ।

वडाध्यक्ष पराजुलीको अध्यक्षतामा भएको कार्यक्रममा वडा सदस्य पार्वती माकाजुले स्वागत मन्तव्य र सहरी स्वास्थ्य केन्द्र प्रमुख पौडेलले कार्यक्रम सञ्चालन गरेका थिए ।

Related News

सम्बन्धित समाचार

hero news full width