बिरौटा र पर्स्याङमा सेलवेजका शाखा

आदर्श समाज सम्वाददाता
असार १४, २०८१
saleway3)

पोखरा । सेलवेज डिपार्टमेन्टल स्टोरले पोखराका २ ठाउँमा शाखा विस्तार गरेको छ । पोखरा र काठमाडौंका विभिन्न ठाउँमा शाखा स्थापना गरेर व्यवसाय गर्दै आएको छ । सेलवेजले पोखरा १७ बिरौटा र पोखरा ५ पर्स्याङमा शाखा विस्तार गरेको हो । यीसँगै पोखरामा सेलवेजका १० शाखा पुगेका छन् ।

सेलवेजले सेल्सबेरी ब्रान्डमा समेत डिपार्टमेन्टल स्टोर सञ्चालन गरिरहेको छ । सेलवेजले सेल्सबेरी गरेर ४० शाखा पुगेको व्यवस्थापक दयाल गिरीले बताए । बिरौटा देखि छोरेपाटन, पुम्दीभुम्दीलाई लक्ष्य गरी बिरौटा शाखा खोलिएको बताए । त्यसै गरी पस्र्याङ शाखाबाट त्यस वरपरको क्षेत्रलाई लक्ष्य गरेर खोलिएको उनको भनाइ छ ।

दैनिक आवश्यकताका सामान किन्न सहज रुपमा पाइने उनले बताए । सेलवेजले यसअघि पोखराको चिप्लेढुंगा, लेकसाइड, बिरौटा, भद्रकाली, शान्तिनगर, अमरसिंह र बगरमा शाखा विस्तार गरिसकेको छ । केहि महिनाभित्रै पोखरामा अन्य क्षेत्रमा पनि शाखा विस्तार गर्ने उनले बताए । नयाँ शाखामा ग्राहक आकर्षण गर्न विभिन्न छुट दिइएको छ । अहिले खाद्य सामग्री र विद्युतीय सामान राखिएको छ । होम डेलिभरीको पनि व्यवस्था भएको उनले बताए ।

उपभोक्तालाई लक्की ड्र मार्फत कार जित्ने अवसर पनि भएको उनले बताए । दुई हजार रुपैयाँसम्मको खरिदमा एउटा कुपन पाइने र बम्पर उपहारमा एमजिको इभि कार जित्ने सकिन्छ । प्रथम पुरस्कार स्कुटर, दोस्रो ४० इन्चको टिभी, तेस्रो माइक्रो ओभन, चौथोमा पंखा, पाँचौंमा राइसकुकर, छैंटौमा हटपट उपहार जित्न सकिने उनले बताए । यो उपहार योजना सेलवेज र सेल्सबेरीका सबै शाखामा असार र साउन महिनाभर चल्ने बताए ।

पोखराको चिप्लेढुंगाबाट सन् १९९३ मा सामान्य खाद्यपसलको रुपमा सेलवेजले सेवा दिन थालेको थियो । त्यही व्यवसाय विस्तार हुँदै जाँदा सन् २००४ मा काठमाडौं प्रवेश गरेको सेलवेजले २०१४ देखि सेल्सबेरीको नाममा शाखा सञ्चालन गरिरहेको छ । बिरौटा शाखाको पोखरा १७ की वडा अध्यक्ष राधिका शाहीले उद्घाटन गरिन् । उनले पोखरा १७ बिरौटादेखि छोरेपाटन क्षेत्रमा सहरी घनत्व बढ्दै गएको र त्यसै अनुसार बजारको आवश्यकता रहेको भनाइ राखिन् ।

Related News

सम्बन्धित समाचार

  • प्रकाशले गरे जन्मदिनमा कारागारमा सहयोग

    आदर्श समाज सम्वाददाता श्रावण ८, २०८१
    पोखरा । जन्मदिनमा हुने फजुल खर्च स्याङ्जा घर भइ हाल पोखरा निवासी एक युवाले सिर्जनशील काममा लगाउने गरेका छन्। स्याङ्जा…
  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • बागमतीको मुख्यमन्त्रीमा लामा नियुक्त

    आदर्श समाज सम्वाददाता श्रावण ८, २०८१
    पोखरा । बागमती प्रदेशको मुख्यमन्त्रीमा बहादुरसिंह लामा नियुक्त भएका छन् । नुवाकोटका लामा प्रदेशको पाँचौं मुख्यमन्त्री हुन् । प्रदेश प्रमुख…

hero news full width