पोखरा । मनिपाल शिक्षण अस्पतालले केही दिनयता महालेख परीक्षकको कार्यालयको प्रतिवेदनलाई जोडेर प्रकाशित समाचारप्रति ध्यानाकर्षण भएको जनाएको छ । मनिपाल शिक्षण अस्पतालका प्रमुख कार्यकारी अधिकृत अनिल ओडुभिलले बुधबार प्रेस विज्ञप्तिमार्फत् सरोकारवाला निकायलाई कुनै सोधपुछै नगरी महालेखा र मिडिया समेतले स्वास्थ्य सेवामा देशको अग्रणी स्थानमा रहेको संस्थालाई आक्षेप लगाउने कार्य निन्दनीय र खेदजनक रहेको जनाएको हो ।
मणिपाल नेपालमा निजी क्षेत्रको पहिलो मेडिकल कलेज रहेको र स्थापनाको कालदेखिनै एउटा उद्यमीले भोग्नु पर्ने नपर्ने सबै कठिनाईहरु पार गरेर आज देशकै अग्रणी शिक्षण संस्थाको रुपमा स्थापित भएको विज्ञप्तिमा छ । विज्ञप्ति अनुसार २०५३/३/१) मा तत्कालीन पोखरा नगरपालिकाबाट नक्सा स्वीकृत गरी भवन निर्माण कार्य भइरहँदा पोखरा नगरभित्र ३ तला भन्दामाथिको भवन निर्माण स्वीकृत गर्ने अधिकार तत्कालीन पोखरा नगरपालिकालाई नभएकोले नगर विकास समितिले विशेष निर्णय गरी २०५४/८/१ गते थप ४ तलाको नक्सा स्वीकृती पाएको जनाइएको छ । यी सबै कानुन र विधिसम्मत ढंगले राजस्व तिरेर लिइएको भन्दै सबै प्रकृया पूरा गरी निर्माण सम्पन्न भए पश्चात् २०५७/२/१ निर्माण सम्पन्नको प्रमाण पत्र पाउन तत्कालीन पोखरा उपहानगरपालिकामा निवेदन दिएको प्रमाण रहेको मनिपालले जनाएको छ । त्यसपछि २०५८/५/१ मा भवनको क्षेत्रफल समेत खुलाइ निमार्ण सम्पन्न माग गरिएको थियो । दोस्रो पटक माग गर्दा पनि सम्पन्नताको प्रमाण पत्र नदिइएकाले पुन तेस्रो पटक २०५९÷२÷१६ मा निर्माण सम्पन्न माग गरिएको थियो । पटक पटक माग गर्दा पनि सम्पन्नको कागज नदिने तत्कालीन नगरपालिका प्रशासनले नदिनुको कारण भने कारण नखुलाएको विज्ञप्तिमा उल्लेख छ ।
तर पनि निवेदनको सुनुवाई नभएको र अनिर्णयको बन्दी बनाई सम्पन्न नदिएर काम यथास्थितिमा राखिए पनि २०५४ सालको स्थानीय स्वायत्त शासन ऐन र २०५५ को नियमावली र २०५७ को नगरपरिषदको निर्णय बमोजिम मणिपाल शिक्षण अस्पताललाई सम्पति कर लाग्ने निर्णय गरि २०५४ सालदेखि सोही बमोजिमको कर निर्धारण आदेश जारी गरेको र सोही आदेश अनुसार कर दाखिला गरिदै आएको दावी मनिपालको छ । २०५७ सालमा ऐन बनाइए पनि त्यसपूर्व नै अन्यायपूर्ण हिसाबमा २०५४ सालबाट नै कर लगाइएको र यसबीचमा २०५६/९/२९ मा अस्पताल सञ्चालन अनुमति दिएको तर निर्माण सम्पन्न पटकपटक अनुरोध गर्दा समेत जानी जानी ढिलाई गरेको देखिएको विज्ञप्तिमा भनिएको छ ।
भवन सम्पन्नताको कागज नदिए पनि २०५७ सालदेखि हालसम्म भवनको घर जग्गा तथा सम्पती कर असुलिदै आएको भन्दै मनिपालले घरजग्गा तथा सम्पत्र् िकर वापत हालसम्म ७ करोड ४७ लाख रुपैयाँ भन्दा बढी तिरी अद्यावधिक गरिएको जनाएको छ । मनिपालका भवनलाई निर्माण सम्पन्न मानेर कर असुल गर्ने तर सम्पन्नताको प्रमाणपत्र प्रदान नगर्ने कार्य आफैमा विरोधाभाष तथा अन्यायपूर्ण रहेको विज्ञप्तिमा छ । पछिल्लो समयमा महालेखा परीक्षकको प्रतिवेदनले अनुमानको भरमा मणिपाल शिक्षण अस्पतालले करोडौं कर तिर्न बाँकी छ भनेर तयार पारेको प्रतिवेदनप्रति गम्भिर असहमति रहेको विज्ञप्तिमा उल्लेख छ । ‘राज्यले सयममा काम नगरिदिएर पटकपटक दुख पाएको देशकै अग्रणी स्वास्थ्य सस्थालाई अनावश्यक विवादमा तानेर मानमर्दन गरिएको घटनाले दुखी बनाएको छ । महालेखा परिक्षकको प्रतिवेदन यति हल्का ढंगले तयार गरिएको प्रतिवेदन अध्ययन गर्दा प्रष्ट हुन्छ । एकातिर अंक नै तोकेर राजस्व असुल्न भन्नु र त्यही प्रतिवेदनमा पुन कर यकिन गर्न आदेश दिनुले यो प्रतिवेदन गहिरो अध्ययन बिना नै तयार पारेको प्रष्ट हुन्छ,’ विज्ञप्तिमा छ ।
पछिल्लो समयमा पोखरा महानगरपालिकाले हालसम्म पटक पटक दिएका निवेदनहरुको आधारमा राजस्व परामर्श समिति, प्राविधिक समितिसमेतको र स्थानिय स्वायत्त शासन सञ्चालन ऐन २०७४ को दफा ४२ (घ) मा नक्सापास नभएका भवनहरुलाई मात्र ३ गुणा राजश्व लिई अभिलेखीकरण गर्ने व्यवस्था गरिएको मनिपालको भनाइ छ । तर मनिपालको हकमा २०५३ मा पेस भई अस्थायी, स्थायी इजाजत लिइ सकिएकोले संघीय सरकारको बस्ती विकास मापदण्ड २०७२ को बुँदा नम्बर ८ प्रावधान लागु हुने समेत देखिन्छ । यसलाई नजरअन्दाज गरी पोउमनपा कार्यपालिकाले कर असुल्ने सिलसिलामा हामीले विगतमा नक्सा पास र सम्पन्नता लिनका लागि बुझाएका शुल्कहरुको समेत वेवास्ता गरी तत्कालीन समयमा निर्माण भएका भवनलाई अहिलेको दर रेटमा पुन कर निर्धारण गरेर १ करोड ७६ लाख रुपैयाँ तिराउने निर्णय ग र्यो । यसमा असहमति हुँदाहुँदै पनि बुझाउनै नपर्ने राजस्व बुझाई जिम्मेवार बनेको विज्ञप्तिमा भनिएको छ ।
कुनै पनि भवनको निमार्ण गर्दा स्वीकृत लिई मापदण्ड भित्र रही निर्माण गरिने भवन र स्वीकृती नै नलिई निर्माण गरिने भवनहरुमा निर्माण दस्तुर तथा जरिवाना फरक फरक हुन्छ भन्ने कुरामा सरकारी निकायहरुको ध्यानआर्कषण हुन जरुरी छ भन्दै मनिपाल शिक्षण अस्पताल नियम अनुसार स्वीकृत लिई मापदण्डभित्र रही निर्माण गरिएको भवन रहेको जनाएको छ । ‘आगामी दिनमा निजी क्षेत्र र आम नागरिकहरुले यस्ता अन्यायबाट दुख पाउन नपरोस भनेर न्यायको बाटो खोज्नुको विकल्प नभएको व्यहोरा आम समुुदायमा अनुरोध गर्दछौं,’ विज्ञप्तिमा भनिएको छ ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१