पोखरा । हेमजास्थित धवलागिरी बोर्डिङ स्कुल आयोजनामा शुक्रबार एसइई गायन प्रतियोगिता हुने भएको छ । एसइई दिएर बसेका विद्यार्थीको प्रतिभा प्रस्फुटन गर्ने उद्देश्य साथ प्रतियोगिता आयोजना गरिएको हो ।

प्रथम, द्वितीय, तृतीय र सान्त्वनालाई क्रमश १० हजार, ७ हजार, ५ हजार र ३ हजार साथमा ट्रफी र प्रमाणपत्र पुरस्कार प्राप्त गर्नेछन् ।

प्रतियोगिताअन्तर्गत लोकगीत, आधुनिक तथा पपगीत गाउन पाइने र ५ मिनेटमा प्रतियोगीले प्रस्तुति सक्नुपर्ने विद्यालयका प्रअ शिवबहादुर रेग्मीले बताए ।

प्रतियोगितामा प्रतिष्पर्धा गर्न २०८० सालमा एसइई दिएको हुनुपर्नेछ । नाम दर्ता गराउँदा प्रवेशपत्र अनिवार्य गरिएको छ ।