मणिपालको राजस्व छानबिन गर्न नयाँ समिति

आदर्श समाज सम्वाददाता
असार ९, २०८१
Mayor saab1

पोखरा । मणिपाल शिक्षण अस्पतालबाट पोखरा महानगरपालिकाले प्राप्त गर्नुपर्ने राजस्वको विषयमा छानविन गर्न ७ सदस्यीय समिति गठन भएको छ । महानगरपालिकाको कार्यपालिका बैठकले प्रमुख प्रशासकीय अधिकृत श्यामकृष्ण थापाको संयोजकत्वमा ७ सदस्यीय छानबिन समिति गठन गरेको महानगरका प्रवक्ता मोतिलाल तिमिल्सिनाले जानकारी दिए ।

समितिमा वित्त महाशाखा प्रमुख जयराम पौडेल, डा. होमनाथ गैरे, अधिवक्ता शुकदेव गौतम, वरिष्ठ इन्जिनियर सुरेन्द्र पौडेल, वडा सदस्यहरु शिवराम भण्डारी र रामजी पौडेल छन् । महालेखा परीक्षकको कार्यालयले हालै प्रकाशन गरेको अघिल्लो वर्षको प्रतिवेदनमा १९ करोड रुपैयाँ राजस्व लिनुपर्ने औंल्याएको छ । समितिले मणिपाल शिक्षण अस्पतालबाट प्राप्त गर्नुपर्ने राजस्व कति हो त्यसको यकीन गर्ने कार्यादेश पाएको छ ।

१० चैत २०७९ बसेको महानगरको १६ औं बैठकले प्राविधिक समितिले दिएको प्रतिवेदनको आधारमा १ करोड ७५ लाख रुपैयाँ राजस्व लिएर सम्पन्न प्रमाणपत्र दिने निर्णय गरेको थियो । त्यो निर्णयलाई पोखरा महानगरको आइतबार बसेको १५ औं नगरसभाले बदर समेत गरेको छ । महानगर प्रमुख धनराज आचार्यले उक्त निर्णय बदरका लागि प्रस्ताव गरेका थिए ।

Related News

सम्बन्धित समाचार

hero news full width