लेखनाथ । पोखरा ३० स्थित संक्रामक तथा सरुवा रोग अस्पतालमा फोहोर बिर्सजन मसिन जडान गरिएको छ । हस्पिटलको फोहोरजन्य वस्तु उचित रुपमा बिर्सजन नहुँदा सम्भावित जोखिम न्यूनीकरण गर्न नेपाल सरकारको करिब १ करोड ३७ लाख लागतमा गण्डकी प्रदेशमै पहिलो पटक सो अस्पतालमा यस्तो मसिन जडान गरिएको हो ।
हस्पिटलबाट निस्किने सबैखालको फोहोर मसिनमा राखेर रोगका किटाणुलाई पूर्ण रुपमा निर्मलीकरण गरेर कम तौल र सानो साइजमा निकाल्ने सक्ने क्षमता मसिनको रहेको छ । यसलाई खेतबारी बाहेक अन्य ठाउँमा पुन मलकै रुपमा प्रयोग गर्न मिल्छ ।
करिब १ करोड ३७ लाख लागतमा गण्डकी प्रदेशमै पहिलो पटक मसिन जडान
यसैबीच, गण्डकी प्रदेश सरकारका सामाजिक विकास तथा स्वास्थ्य मन्त्री बिन्दुकुमार थापाले मसिनको शुभारम्भ गरेका छन् । उनले स्वास्थ्यको पहुँच सबै जनताले पाउनु पर्छ भन्ने मान्यताले संघीय सरकारदेखि प्रदेश सरकारमा आफूले जोडदारका साथ माग राखेको बताए । रकम अभावमा कुनै पनि जनताले अकालमा ज्यान गुमाउन नपरोस् भन्ने मान्यताले सो हस्पिटलबाट स्वास्थ्य बिमाको सुविधा, डाइलसिस सेवा र आगामी दिनमा पोखरा स्वास्थ्य विज्ञान प्रतिष्ठानको सहकार्यमा फुलफेज्डको हस्पिटल सञ्चालन गर्ने सोचका साथ प्रदेश सरकार अघि बढेको बताए ।
सो अवसरमा स्वास्थ्य मन्त्रालयका सचिव बिनोदबिन्दु थापाले स्वास्थ्य क्षेत्रमा राज्यको ठूलो लगानी रहेकाले यसको सदुपयोग गरी प्रदेशकै नमुना हस्पिटल बनाउन सबैको साथ र सहयोग आवश्यक पर्ने बताए ।
अस्पतालका कार्यकारी निर्देशक विकास गौचनले मुठ्ठीदेखि सर्वस्वदाताको दानबाट निर्माण भएको अस्पतालले छोटो समयमा ५० बेडको हस्पिटल तयार पारी २४ सै घण्टा सेवा दिँदै आएको र आगामी दिनमा विशेषगरी मुटुरोगीलाई केन्द्रित डायससिस सेवा प्रभावकारी बनाउने बताए ।
अस्पताल अध्यक्ष ऋषिराम जमरकट्टेलले अस्पतालाई कसरी आर्थिक मजबुत र सेवा प्रभावकारी बनाउन सकिन्छ भन्नेबारे नीतिगत तहमा नै कुरा उठान गरेको आश्वासन दिए ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
अन्नपूर्णमा सुत्केरी प्रोत्साहन
hero news full width
मुख्य समाचार
नेसपाले नाम फेर्ने, महाधिवेशन माघमा
विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१