पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी स्कुलमा पनि बुधबार सम्पन्न भयो ।

नृत्य निर्देशक संघ, गण्डकी प्रदेश अध्यक्ष राधाकृष्ण पौडेल, सचिव अनिशकुमार भुज र कार्यक्रम संयोजक श्रीलकबहादुर पुन निर्णायक समिति रहेको उक्त अडिसन राउन्डको प्रतियोगितामा पोखरा आदर्श सेकेन्डरी स्कुलबाट संस्कृति सुवेदी, सिर्जना पुनमगर, कुसुम राना मगर, अपि अधिकारी, रिस्ता गुरुङ, विमल घर्तीमगर, र एलिना अदै मगरले सहभागिता जनाए । जसअन्तर्गत संस्कृति सुवेदी अन्तिम चरणमा र कुसुम राना मगर तथा एलिना अदै मगर सेमी फाइनलमा प्रवेश गरेको विद्यालयका सहप्रधानाध्यापक ज्ञानेश्वर सुवेदीले बताए । यस नृत्य प्रतियोगितामा नेपालभरबाटै प्रथम, द्वितीय, तृतीय र सान्त्वना हुनेलाई क्रमश २० हजार, १५ हजार, १० हजार र ५ हजारका साथमा मेडल र प्रमाणपत्र वितरण गरिने नृत्य निर्देशक संघ गण्डकीका अध्यक्ष राधाकृष्ण पौडेलले जानकारी दिए दिए ।