पोखरा सुधारको माग

आदर्श समाज सम्वाददाता
असार ६, २०८१
cpn uml

पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले नेतृत्वले अघिल्लो कार्यकालमा सुरु गरेका कार्यक्रम कार्यान्वयनमा लैजानुपर्नेसहित पोखरा सुधारका विभिन्न मागसहित बुधबार मेयरलाई एमाले महानगर अध्यक्ष जीवनप्रसाद आचार्यले उक्त ध्यानाकर्षण पत्र बुझाएका हुन् ।

महानगरमा टाइम कार्ड लागु गरी सेवाप्रवाह व्यवस्था मिलाउनुपर्ने, ३ पल्टभन्दा बढी लिखित गुनासो आउने कर्मचारीलाई निलम्बन गरी छानबिन गर्नुपर्ने, खनिज तथा नदीजन्य पदार्थ उत्खनन् व्यवस्थापनका लागि महानगर पूर्वाधार विकास निगमको व्यवस्थापन एवं लगानीमा सञ्चालन गर्न माग गरिएको छ ।

पोखराका तालमाथि अतिक्रमण रोक्न र पोखराको वातावरण संरक्षणका लागि वातावरण सेवाकर व्यवस्था गर्नुपर्ने ध्यानाकर्षणपत्र उल्लेख छ ।

अत्याधुनिक फोहोर प्रशोधन केन्द्र स्थापना गरी फोहोरमैला दिगो व्यवस्थापन, पोखरा महानगरवासीको डिजिटल प्रोफाइल, करारमा रहेका कर्मचारीको उचित व्यवस्थापनको लागि कर्मचारी निर्देशिका, सरुवा मापदण्ड, कर्मचारी व्यवस्थापन निर्देशिकालाई कडाइका साथ कार्यान्वयन गर्न माग गरिएको छ ।

पोखरा बसपार्क निर्माण गर्नुपर्ने, जडान भएर पनि सञ्चालन आउन नसकेका ट्राफिक लाइट सञ्चालन गर्न, पोखरालाई साइकल सिटीरुपमा विकास गर्न, पोखरा ३२ लामेआहालमा बन्ने भनिएको बसपार्क निर्माण अघि बढाउन माग गरिएको छ ।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width