दोस्रो स्थापना दिवस मनाउँदै रास्वपा

आदर्श समाज सम्वाददाता
असार ३, २०८१
rsp news

पोखरा । राष्ट्रिय स्वतन्त्र पार्टी (रास्वपा) ले दोस्रो स्थापना दिवस साताव्यापी कार्यक्रम गरी मनाउँदैछ ।

१ देखि ७ असारसम्म विविध कार्यक्रम साथ वार्षिकोत्सवरुपमा स्थापना दिवस मनाउन लागिएको गण्डकी प्रदेश प्रवक्ता विकास भूर्तेलले बताए । उनका अनुसार दिवस अवसरमा गण्डकीका जिल्लामा हालसालै निर्मित र निर्माणाधीन भौतिक पूर्वाधारका योजनाको अनुगमन, रक्तदान, वृक्षरोपण, सरसफाइ, शुभकामना आदानप्रदान, चियापान तथा अन्य विविध कार्यक्रम आयोजना गर्ने लागिएको छ ।

कास्कीले निर्माणाधीन मध्यपहाडी राजमार्गको गत १ असारमास्थलगत निरीक्षण गरिसकेको छ । ५ असारमा मानवअधिकार चोकमा रक्तदान, ६ गते पोखराका विभिन्न ठाउँमा सरसफाइ तथा वृक्षरोपण र ७ असारमा गण्डकी प्रदेश कार्यालय, पोखरामा चियापान तथा शुभकामना आदानप्रदान कार्यक्रम आयोजना गर्न लागिएको कास्की जिल्ला संयोजक योगराज पौडेलले बताए ।

Related News

सम्बन्धित समाचार

hero news full width