पोखरा । भाषा संघ नेपाल (लान) को आयोजना छैटौं जापानी भाषा शिक्षक तालिम सम्पन्न भएको छ । तालिममा पोखरामा रहेका विभिन्न जापानी भाषा स्कुलका ४४ जनाको सहभागिता थियो । तालिममा सृजन भान्साकार्य, निलम बाटाजू, मोतीप्रसाद श्रेष्ठ र सबिता शेरचनले प्रशिक्षण दिए ।

संस्थाका अध्यक्ष सृजन भान्साकार्यको अध्यक्षतामा भएको तालिम कार्यक्रमको संयोजन सल्लाहकार निलम बाटाजुले गरेका थिए । सल्लाहकार युवराज खनाल र प्रकाशकुमार श्रेष्ठले पोखराबाट जापानमा अध्ययनको लागि जाने विद्यार्थीले जापानी भाषा तथा संस्कृति बुझ्नुपर्नेमा जोड दिए ।

संस्थाका प्रथम उपाध्यक्ष मोतीप्रसाद श्रेष्ठ स्वागत र संस्थाका महासचिव बालकृष्ण शर्माले कार्यक्रम सञ्चालन गरेका थिए ।