पोखरा । हेरालो प्रतिष्ठान कास्कीले अर्चलबोट आमा समूहमा आबद्ध महिलाहरुलाई कम्पोस्ट मल बनाउने सरल विधि सिकाउँदै फोहोरमैला व्यवस्थापनबारेमा अन्तर्राष्ट्रियसमेत गरेको छ ।
हेरालो प्रतिष्ठानको आयोजना र अर्चलबोट आमा समूहको सहआयोजनामा भएको कार्यक्रममा पोखरा वडा नं. २ का अध्यक्ष दिवसमान प्रधानांगले पोखरा सफा सुन्दर र हराभरा भए मात्रै पर्यटनको राजधानी घोषणाले सार्थकता पाउने बताउँदै हेरालोको यो अभियान अनुकरणीय रहेको बताए । साथै अर्चलबोट आमा समूहको विभिन्न कामले आफूलाई खुसी लागेको र आवश्यक सहयोगका लागि तयार रहेको समेत उनले अवसरमा बताए ।
जापानमा जन्मेको हेरालोको ऐतिहासिक परिचयबाट सुरु गर्दै संस्थापक अध्यक्ष महेन्द्र श्रेष्ठले ३ प्रकारका फोहोरमध्ये २ प्रकारलाई मोहरमा परिणत गर्न सकिने बताए । उनले कम्पोस्ट मल बनाउने विधि सिकाउँदै ल्यान्डफिल साइटमा १० प्रतिशतभन्दा पनि कम फोहोर मात्रै जाने बताए । अर्चलबोट आमा समूहकी अध्यक्ष सुशीला बराल रेग्मीले भर्खर बिहे भएर आउँदाको दिन सम्झँदै त्यो बेलामा अरुले बोरामा धेरै फोहोर फाल्दा आफूले प्लास्टिकमा थोरै मात्रै फालेको तर अरुको नजरमा भने घरमा खानेकुराको कमी भएर हो कि भन्ने ठान्ने गरेको फरक अनुभूति सुनाइन् । तर आजकल भने थोरै फोहोर फाल्नु सभ्य नागरिकको परिचय हो भनेर धेरैले बुझेको पनि उनले बताइन् । आमा समूहकी पूर्व अध्यक्ष कल्पना सुबेदीले हेरालोको नाराबाट र आजको कार्यक्रमबाट आफू प्रभावित भएको सुनाउँदै पछिका दिनहरुमा पनि आफूहरुलाई घच्घचाइदिन अनुरोध गरिन् ।
धनराज पुरीको अध्यक्षतामा भएको कार्यक्रममा निरज थापा, रोश गुरुङ , तिलक थापा लगायतले बोलेका थिए । विविध कार्यक्रमका साथ हेरालो रजत महोत्सव वर्ष २०८१ मनाउने सिलसिलामा भएको सो कार्यक्रममा आमा समूहलाई हेरालोको तर्फबाट २ वटा कम्पोस्ट ड्रम उपहार स्वरूप दिइएको थियो ।
Related News
सम्बन्धित समाचार
वामपन्थी ज्येष्ठ नागरिक भेला हुँदै
पोखरामा रगत अभाव
पाेखरामा रास्वपाको मंगलबार पनि विरोध प्रदर्शन (फोटो फिचर)
युनिलिभरको ५० लाख सहयोग
पोखरामा रास्वपाको निरन्तर विरोध प्रदर्शन
hero news full width
मुख्य समाचार
रविलाई फेरि अदालत उपस्थित गराइँदै
को होला मिस पोखरा ?
कार्तिक ७, २०८१जेठोबुढो जोगाउँदै पोखरा महानगर
कार्तिक ७, २०८१नेसपाले नाम फेर्ने, महाधिवेशन माघमा
कार्तिक ७, २०८१विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१