पोखरा । नेपाल पर्यटक यातायात व्यवसायी संघ (एनटिभिए) गण्डकी प्रदेश र लायन्स क्लब अफ पोखरा लेक भ्यालीद्वारा संयुक्तरुपमा आयोजित रक्तदान कार्यक्रममा ३८ युनिट रगत संकलन भएको छ ।

रक्तदानको शुुभारम्भ गर्र्दै पोखरा ६ का वडाध्यक्ष विष्णुुबहादुर भट्टराईले रक्तदान जीवनदान भएको बताए ।

एनटिभिए गण्डकी अध्यक्ष एवं लायन्स क्लब अफ पोखरा लेक भ्यालीका सचिव दुुर्गादत्त दहालले सामाजिक उत्तरदायित्व बहन गर्दै यस किसिमका कार्यक्रमलाई निरन्तरता दिँदै आएको बताए ।

लायन्स पोखरा लेक भ्याली अध्यक्ष एवं पोखरा पर्यटन परिषद्का द्वितीय उपाध्यक्ष तारानाथ पहारीले प्रत्येक थोपा–थोपा रगतको महत्व हुने बताउँदै रक्तदान अरुका लागि जीवनदान हुने उल्लेख गरे ।

एनटिभए गण्डकी अध्यक्ष दुुर्गादत्त दहालको अध्यक्षतामा भएको कार्यक्रमको सञ्चालन कार्यक्रम संयोजक विकास कँडेलले गरेका थिए । एनटिभिए गण्डकीका पूर्व अध्यक्ष एवं सल्लाहकार बोबरजंग गुरुङ, सल्लाहकार सोमबहादुर थापा, गणेशबहादुर सापकोटा, पर्यटन सम्बद्ध संघ संस्थाका अध्यक्ष एवं प्रतिनिधि लगायतको उपस्थिति थियो ।