पोखरा । कास्कीमा नदीजन्य र खानीजन्य पदार्थको उत्खनन् ३ महिनाका लागि बन्द गरिने भएको छ । ढुंगा, गिट्टी, बालुवा तथा नदी तथा खानीजन्य पदार्थको अनुगमन समिति कास्कीको बुधबारको बैठकले यस्तो निर्णय गरेको हो ।
ढुंगा, गिट्टी, बालुवा तथा नदी तथा खानीजन्य पदार्थको सञ्चालन मापदण्ड, २०७७ अनुसार असारदेखि भदौसम्म नदी तथा खानीजन्य पदार्थको उत्खनन् गर्न नपाइने व्यवस्था अनुसार सो निर्णय गरिएको अनुगमन समिति संयोजक एवं जिल्ला समन्वय समिति कास्की प्रमुख लीलाधर पौडेलले बताए । पौडेलले विकास निर्माणका काममा बाधा नपुग्ने गरी विद्यमान कानुन र मापदण्डको पालना गर्नुको विकल्प नरहेको भन्दै कडाइका साथ निर्णय कार्यान्वयन गर्न सरोकारवाला सरकारी निकाय र स्थानीय तहलाई आग्रह गरे ।
अवैधरूपले सञ्चालित क्रसर उद्योगका कारण वातावरणीय र पर्यावरणीय संरचनामा प्रतिकूल असर पारेको गुनासो अत्याधिक बढेको कारण त्यस्ता उद्योगसमेत तत्काल बन्द गर्न पौडेलले आग्रह गरे । उनले सबै पालिकामार्फत उद्योगले जेठ मसान्तभित्र स्रोत खुलाएर स्टक प्रमाणीकरण गरेका सामग्री सो अवधिमा बिक्रीवितरण र उपभोगमा कुनै बाधा नपर्ने बताए ।
बैठकमा पोखरा महानगरपालिकाका मेयर धनराज आचार्य, जिसस उपप्रमुख सरिता माल, माछापुच्छ«े गाउँपालिकाका प्रमुख मीनबहादुर गुरुङ, मादीका अध्यक्ष देवीजंग गुरुङ, रूपा अध्यक्ष नवराज ओझा, प्रमुख जिल्ला अधिकारी तथा अनुगमन समिति सहसंयोजक भरतमणि पाण्डे, कास्कीका प्रहरी प्रमुख एसपी मोहनकुमार थापा, सशस्त्र प्रहरी बल कालिका गण मालेपाटनका प्रमुख एसपी अरूण शर्मा लगायतले बोलेका थिए ।
यस्तै, क्रसर व्यवसायी महासंघका केन्द्रीय उपाध्यक्ष लीलाधर बराल, विभिन्न पालिकाका प्रमुख कार्यकारी अधिकृत, अनुगमन समिति सदस्यसहित सरोकारवाला निकायका व्यक्तिले ढुंगा, गिट्टी, बालुवा तथा नदी तथा खानीजन्य पदार्थ उत्खनन्, ओसारपसार र बिक्रीवितरण र उपभोगमा देखिएका समस्या, चुनौती र निराकरणबारे बोलेका थिए । अनुगमन समिति संयोजक एवं जिसस प्रमुख पौडेलको अध्यक्षतामा भएको कार्यक्रमको सञ्चालन जिल्ला समन्वय अधिकारी नवराज बरालले गरेका थिए ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१