पोखरा । सामुदायिक सेवा केन्द्र एवं सामुदायिक प्रहरी सेवा बैदामको आयोजनामा पोखरा ७ स्थित पोखरा लनर्स एकेडेमीका विद्यार्थीहरुलाई ट्राफिक नियमसम्बन्धी सचेतना कार्यक्रम गरिएकोे छ ।

कार्यक्रममा जिल्ला ट्राफिक प्रहरी कार्यालय कास्कीका प्रहरी सहायक निरीक्षक इन्द्रबहादुर सारुले विद्यार्थीलाई ट्राफिक नियमसम्बन्धी जानकारीमूलक प्रशिक्षण दिए ।

कार्यक्रममा विद्यालयका प्रधानाध्यापक विधान गौतमले विद्यार्थीलाई पाठ्यक्रमबाहेकका व्यावहारिक ज्ञान दिन अतिआवश्यक रहेकोमा आज भएको ट्राफिक नियमसम्बन्धी जनचेतनमूलक कार्यक्रम निकै प्रभावकारी हुने बताए ।

संस्थाका सचिव ठाकु प्रसाद बरालको संयोजकत्वमा भएको कार्यक्रममा कक्षा ६ देखि १० सम्मका विद्यार्थीहरुको सहभागिता रहेको थियो ।