पानद्वारा विन्ध्यवासिनी मावि सम्मानित

आदर्श समाज सम्वाददाता
जेठ ३०, २०८१
Pan

पोखरा । प्रिन्सिपल एसोसिएसन अफ नेपालले सातै प्रदेशबाट छनोट विद्यालय तथा प्रधानाध्यापकलाई सम्मानसहित पुरस्कृत गरेको छ ।

सामुदायिक विद्यालयमा कार्यरत प्रधानाध्यापकहरूको साझा संस्था (पान) ले प्रथम अधिवेशन अवसरमा काठमाडौंमा विशेष कार्यक्रमबीच सर्वोत्कृष्ट विद्यालय र प्रधानाध्यापकलाई सम्मान गरेको हो ।

संस्थाले गण्डकी प्रदेशबाट उत्कृष्ट विद्यालयमा विन्ध्यवासिनी मावि पोखरा, उत्कृष्ट प्रअमा प्रकाश मावि बेनीका लेखबहादुर हमाल र उत्कृष्ट पालिकाको रूपमा नवलपुरको मध्यविन्दु नगरपालिका छनोट हुँदै सम्मानित भए । उनीहरूसहित सात वटै प्रदेशमा सर्वोत्कृष्ट भएकालाई प्रतिनिधिसभा उपसभामुख इन्दिरा राना, एमाले नेता प्रदीप ज्ञवाली, कांग्रेसका नेता बद्री पाण्डे, माओवादी केन्द्रका नेता देवेन्द्र पौडेलले सम्मान गरेका हुन् ।

गतवर्ष मात्र सामुदायिक विद्यालयतर्फ देशकै सर्वोत्कृष्ट पहिलो बनेको विन्ध्यवासिनी लगातार उत्कृष्ट बन्दै रेकर्ड नै राख्न सफल भएको छ । प्रअ कृष्णप्रसाद आचार्यले सम्मानले थप जिम्मेवार बनाएको बताउँदै थप शैक्षिक गुणस्तर वृद्धिका लागि आफूहरु लागिपरेको जनाए । सबैको केन्द्र बनेको विन्ध्यवासिनी अवलोनका लागि हालसम्म करिब ५ सय बढी विद्यालयबाट अवलोकन तथा अध्ययनका लागि टिम आएको विद्यालयका अप्रेसन म्यानेजर नवीन अधिकारीले बताए ।

कार्यक्रम पान अध्यक्ष सुदनप्रसाद गौतमको अध्यक्षतामा भएको हो ।

Related News

सम्बन्धित समाचार

hero news full width