पोखरा । पोखरा यूनाइटेड एकेडेमी आयोजनामा विभिन्न खेलकुद प्रतियोगिता २०८१ सम्पन्न भएको छ । छात्रतर्फको फुटबलमा स्टेप वाई स्टेपले जित हासिल गरेको छ ।

मंगलबार फाइनलमा रतुवा फुटबल क्लब, पोखरालाई टाईब्रेकरमा ५—४ अन्तरले पराजित गर्दै उपाधि जितेको हो । विजेताले ११ र उपविजेताले १० हजार साथमा ट्रफी, मेडल र प्रमाणपत्र प्राप्त गरे ।

अन्तरविद्यालयस्तरीय हाजिरीजवाफमा अमरसिंह नमुना मावि प्रथम भयो । न्यू मोडल स्कुल दोस्रो भयो । उनीहरुले क्रमश ४ र २ हजार पाए ।

प्रतियोगिता ४ दिनसम्म संचालन भएको प्रिन्सिपल बयानबहादुर गोदारले बताए । छात्रतर्फको भलिबलमा बागलुङको जुनियर युथ समूह प्रथम भयो । छात्रातर्फको बास्केटबल प्रतियोगितामा मर्दी ए को समूह प्रथम भयो । छात्रतर्फ बास्केटबलमा मनकामना बोर्डिङ स्कुलले उपाधि जितेको विद्यालयका शिक्षक फणिन्द्रराज पौडेलले बताए ।

समापन समारोहका पोखरा महानगरपालिका शिक्षा महाशाखा प्रमुख हेमप्रसाद आचार्य, पोखरा महानगर खेलकुद विकास समिति अध्यक्ष दीपक गोदार, फुल कन्ट्याक कराते महासंघ गण्डकी अध्यक्ष लक्ष्मण कुँवर, विद्यालयका अध्यक्ष शिवबहादुर भण्डारी लगायतले पुरस्कार वितरण गरे ।