पोखरा । विन्ध्यवासिनी माविले एसइई दिएर बसेका ३४ जना विद्यार्थीलाई ब्युटी पार्लर तालिम दिइएको छ । ७ दिनसम्म चलेको तालिममा ब्युटिसियन सृष्टि पुन र विना थापाले अनुहारको हेरचाह तथा सौन्दर्यकरणका विषयमा प्रशिक्षण दिएका थिए ।

तालिममा सहभागी विद्यार्थीलाई विद्यालयका प्रअ कृष्णप्रसाद आचार्य, सहायक प्रधानाध्यापक रामबहादुर बानियाँ, विद्यालय व्यवस्थापन समितिका सदस्य इन्दु भट्टराई, अभिभावकद्वय मुना पौडेल र अञ्जना तिमिल्सिना लगायतले प्रमाणपत्र प्रदान गरे । प्रधानाध्यापक कृष्णप्रसाद आचार्यले अभिभावकले सिकेको सिपलाई विद्यार्थीको माझ पुर्‍याएको बताए । विद्यालयले निकट भविष्यमा विद्यार्थी केन्द्रित अन्य सिप सिकाउने तयारी समेत गरेको उनको भनाइ थियो ।