भारतसामु पाकिस्तानको १२० रनको जितको लक्ष्य

आदर्श समाज सम्वाददाता
जेठ २८, २०८१
Pak-1717952311

पोखरा । आईसीसी ट्वान्टी–२० विश्वकपमा पाकिस्तानले १२० रनको जितको लक्ष्य पाएको छ । तीव्र गतिका बलर चम्किएपछि पाकिस्तानले भारतलाई ११९ रनमै रोकेको हो ।

आइतबार न्यूयोर्कमा जारी खेलमा टस हारेर ब्याटिङमा आएको भारतले १९ ओभरमा सबै विकेट गुमाएर ११९ रन बनाएको थियो । खेलमा भारतका ऋषव पन्तले सर्वाधिक ४२ रन बनाए । उनले ३१ बलमा ६ चौका प्रहार गरे । अक्षर पटेलले २० र कप्तान रोहित शर्माले १३ रन थपे । यसबाहेक, भारतका अन्य ब्याटरले दोहोरो अंकको आँकडा तयार गर्न चुके ।

भारतलाई मध्यम योगफलमा रोक्न पाकिस्तानका चार तिव्र गतिका बलरले नौ विकेट लिए । पाकिस्तानका नसिम साह र ह्यारिस रौफले समान ३ विकेट लिए ।
मोहम्मद आमिरले दुई विकेट लिँदा साहिनसाह अफ्रिदीले एक विकेट हात पारे ।

समूह ‘ए’ मा रहेका दुवै टिमको यो दोस्रो खेल हो । यसअघि पहिलो खेलमा सह–आयोजक अमेरिकाविरुद्ध सुपर ओभरमा हार बेहोरेकोले पाकिस्तान सुपर ८ पुग्न जित्नै पर्ने दबाबमा छ । पहिलो खेलमा भारतले आयरल्यान्डविरुद्ध आठ विकेटको सहज जित हात पारेको थियो ।

यसअघि, नेपालले पहिलो खेलमा नेदरल्याण्डसँग पराजित भएको थियो । पहिलो ब्याटिङमा १०६ रन जोडेकोमा नेपाल ६ विकेटले पराजित हुन पुगेको थियो ।

Related News

सम्बन्धित समाचार

hero news full width