जेठ २९ मा गण्डकीको नीति तथा कार्यक्रम, विश्वासको मत नपाउँदै गण्डकीका मुख्यमन्त्रीले संसदमा पठाए पत्र

आदर्श समाज सम्वाददाता
जेठ २७, २०८१
parle – 2081-02-11

पोखरा । गण्डकीका मुख्यमन्त्री सुरेन्द्रराज पाण्डेले सोमबार विश्वासको मत लिँदैछन् । उनले सोमबार दिउँसो ३ बजे विश्वासको मत लिने गरी बैठक डाकिदिन सभामुखलाई आग्रह गरेका थिए । बैठक डाकिएको छ । २७ सीट रहेको कांग्रेसका सांसद मात्रै उनको पक्षमा छन् । बहुमतका लागि चाहिने ३१ सीट पुग्ने वा नपुग्ने पक्का छैन ।

तर पाण्डेले संसदमा नीति तथा कार्यक्रम पेस गर्ने सूचना पनि संसद सचिवालयमा पठाएका छन् । मंगलबार संसदमा नीति तथा कार्यक्रम पेस गर्न मुख्यमन्त्रीले पत्र पठाएका संसद सचिवालयले जनाएको छ । नीति तथा कार्यक्रम पनि ३ बजे नै ल्याउने छन् । विश्वासको मतको टुंगो नलाग्दै पाण्डेले नीति कार्यक्रम पेस गर्ने सूचना पठाउनुमा उनी विश्वासको मत पाउनेमा ढुक्क देखिन्छन् ।

पाण्डेलाई राप्रपा र स्वतन्त्र सांसद राजीव गुरुङ उर्फ दीपक मनाङेले मत दिने सम्भावना छ । तर बाँकी रहेको एक मत पु¥याउन निकै गाह्रो हुने संसदका राजनीतिक दलहरु बताउँछन् । धेरैले माओवादीबाट चुनाव जितेका नेपाल समाजवादीका सांसद फडिन्द्र देवकोटाले फ्लोर क्रस गर्ने आँकलन गरेका छन् । यद्यपी अहिले देवकोटाले फ्लोर क्रस गर्ने सम्भावना निकै न्यून रहेको माओवादी सांसदहरुको भनाई छ ।

Related News

सम्बन्धित समाचार

hero news full width