पोखरा । पोखरा १२ माटेपानीस्थित हिल प्वाइन्ट सेकेन्डरी स्कुलद्वारा अभिभावक अभिप्रेरणा तथा स्मार्ट सिकाइसम्बन्धी कार्यक्रम सम्पन्न भयो ।

कार्यक्रममा सम्बन्धित क्षेत्रका विज्ञहरुद्वारा प्रशिक्षण प्रदान गरिएको थियो । आधुनिक प्रविधिमैत्री सिकाइ नै आजको प्रभावकारी सिकाइ हुने र विद्यार्थीलाई किताबी ज्ञानले मात्र आजको विश्व वातावरणमा घुलमिल हुन निकै अप्ठ्यारो र प्रशस्त समयसमेत खर्च हुने विज्ञ जित राधवले बताए । उनले परिस्थितिलाई मध्यनजर राख्दै स्मार्ट जमानामा स्मार्ट सिकाइ आवश्यकता औंल्याए ।

कार्यक्रममा बालबालिकाहरुको सिकाइमा अभिभावकहरुको पनि महत्वपूर्ण भूमिका रहने र उनीहरुलाई सकारात्मक भावना विकास गरेर मात्र पढाइमामा लगाउँदा कुनै पनि अभिभावक पिरोलिनु नपर्ने कुरा अर्का विज्ञ रवि रञ्जितले बताए । ५ सयभन्दा बढी अभिभावक सहभागी कार्यक्रममा स्वागत विद्यालयका प्रिन्सिपल दिवाकर जैसीले स्वागत र सहप्राचार्य गंगाराम पौडेलले सञ्चालन गरेका थिए । शिक्षक नारायण लामिछाने, कमल घिमिरे, भुवन बरुवाललगायतले कार्यक्रममा सहजीकरण गरेका थिए ।