सुमिनाको ‘बागी स्त्रीको आत्मकथा’ बारे परिचर्चा

आदर्श समाज सम्वाददाता
जेठ २६, २०८१
random readers news

पोखरा । र्‍यान्डम रिडर्स सोसाइटीले शनिबार सुमिनाको कविता सङ्ग्रह ‘बागी स्त्रीको आत्मकथा’ बारे परिचर्चा गरेको छ ।

पत्रकार रीना थापा (तानी) ले कृतिमाथि अवधारणापत्र प्रस्तुत गर्दै सुमिनाको कविताले पित्तृसत्तामाथि सशक्त प्रहार गर्दै आममहिलाको भावना समेटेको धारणा राखिन् । उनले भनिन्, ‘पुँजीवादी समाजमा महिलाले भोगेका पीडा र मनोभाव कवितामा उतारिएको छ ।’

सुमिनाले उठाएको आवाज समकालीन साहित्यजगत्मा नयाँ पुस्ताको बलियो हस्तक्षेप भएको तानीको भनाइ थियो । उनले भनिन्, ‘एक महिला कवि जसले आफ्नो स्वतन्त्रताको फिराद मात्र गरेकी छैनन्, समाजका हरेक उत्पीडित वर्गका विषयमा खरो उत्रिएकी छन् ।’ उनले सुमिनाको कलमले केवल कविता होइन, नारी मुक्तिको यात्रा लेखेको विचार राखिन् ।

कवि सुमिनाले एउटै संग्रहमा जीवन र जगत्का सबै पक्षलाई अटाउन नसकिने भएकाले आफूले केही वैचारिक कविता मात्र लेख्न सकेको बताइन् । कृति बजारमा आएपछि आएका विभिन्न प्रश्नको जवाफ कविताले नै दिने बताउँदै सुमिनाले वैचारिक धरातल र बुझाइको तहअनुसार कवितालाई बुझ्ने भएकाले पाठकको विचारलाई सम्मान गर्नुपर्ने विचार सुनाइन् । प्रगतिशील कविता लेख्ने भन्दैमा प्रेमलाई अस्वीकार गर्न नहुने उनको भनाइ थियो । कृतिभित्रका प्रेमकविताका सन्दर्भमा पाठकले उठाएका प्रश्नको जबाफ दिँदै उनले प्रेमको होइन, प्रेमका नाममा हुने दासत्वको विरोध गर्नुपर्नेमा जोड दिइन् ।

कवि रमेश श्रेष्ठले विषय जे भए पनि कविता मान्छेकै लागि लेखिनुपर्ने बताए । मान्छेपिच्छेका सोचाइ आआफ्ना हुन सक्ने भएकाले फरक विचारको पनि सम्मान गर्नुपर्ने श्रेष्ठको भनाइ थियो । विश्व कविताका क्षेत्रमा नेपाली कविता कमजोर नभएको तर अनुवादको अभावमा पछि परेको अनुभव श्रेष्ठले सुनाए ।
कार्यक्रममा सरिता तिवारी, नेपालप्रकाश अधिकारी, विष्णु बास्तोला, त्रिवेणी, विमल दाहाल, हसिना बस्नेत लगायतले टिप्पणी गरेका थिए । सोसाइटी अध्यक्ष रुपिन्द्र प्रभावीको अध्यक्षतामा भएको कार्यक्रमको सञ्चालन सहसचिव दीपक पराजुलीले गरेका थिए ।

Related News

सम्बन्धित समाचार

  • पूर्व बैंकर सञ्जीवको ‘छोटु’ सार्वजनिक

    आदर्श समाज सम्वाददाता असार ३, २०८१
    चितवन । कृषि विकास बैंकका सञ्चालक समिति सदस्य सञ्जीव पौडेलको संस्मरणात्मक कृति ‘छोटु’ सार्वजनिक भएको छ । निर्वाचन आयोगका प्रमुख…
  • एसइई डान्स च्याम्पियनसिप उपाधि सृष्टिलाई

    आदर्श समाज सम्वाददाता जेठ २६, २०८१
    पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ…
  • पुतलीबजारमा साहित्यिक गोष्ठी

    आदर्श समाज सम्वाददाता जेठ २२, २०८१
    स्याङ्जा । पुतलीबजार प्रज्ञा प्रतिष्ठान स्याङ्जाले साहित्यिक गोष्ठी सम्पन्न गरेको छ । सो अवसरमा गण्डकी प्रदेशस्तरीय कविता प्रतियोगितासहित स्रष्टा सम्मान…
  • मौलिकता बिर्सेर बनाइयो नमूना गन्धर्वघर   

    आदर्श समाज सम्वाददाता जेठ १८, २०८१
    गण्डकी ।  कुनै समय घुमाउने (गोलो घर) नै लोपोन्मुख गन्धर्व जातिको परम्परागत बासथलो थियो । ढुङ्गा, माटो र काठले ती…
  • स्याङ्जाको चापाकोटमा सिर्जनशीलको कार्यक्रम

    आदर्श समाज सम्वाददाता जेठ १८, २०८१
    पोखरा । सिर्जनशील लोकतान्त्रिक प्रतिष्ठान पोखरा र गण्डकी वाङ्मय प्रतिष्ठान स्याङ्जाको संयुक्त आयोजनामा मंगलबार स्याङ्जाको चापाकोटमा विविध कार्यक्रम भएको छ…

hero news full width