पश्चिमाञ्चलको सीपयुक्त पाठ्यक्रममा जोड

आदर्श समाज सम्वाददाता
जेठ २६, २०८१
PHSS Journalist Interaction

पोखरा । पश्चिमाञ्चल मावि, पोखराले स्वरोजगारमुखी पाठ्यक्रममा जोड दिने गरी योजना बनाएको छ । प्राचार्य सरोज कोइरालाले पाठ्यक्रम विकास केन्द्रले तोकेको कोर्स भरमा विद्यार्थी स्वरोजगार बन्न सक्ने अवस्था नभएपछि अतिरिक्त कोर्षमा जोड दिएको बताए । विद्यार्थीलाई विदेशिनबाट रोक्न पढाइ सक्नासाथ काम पाइनेखालका विषय अध्यापनमा जोड दिएको उनको भनाइ छ । शनिबार सञ्चारकर्मीसँग छलफलमा उनले सो कुरा बताएका हुन् ।

उनका अनुसार विज्ञान, व्यवस्थापन, होटल व्यवस्थापन र मानविकी संकायमा अध्यापन गराइरहेको विद्यालयले केही वर्षअघि कानुन पढाउन थालेकोमा आगामी शैक्षिकसत्रदेखि सौन्दर्यकलाको पाठ्यक्रम पनि विद्यालयले अध्यापन गराउने तयारी थालेको छ । ‘स्वदेशमा काम नपाएकै भएर विद्यार्थी बाहिर गएका हुन् । उनीहरुलाई स्वदेशमै कमाउने अवसर दिलाउने हो भने विदेश जानबाट केही हदसम्म रोक्न सकिन्छ,’ उनले भने, ‘त्यही भएर पढाइ सक्नासाथ कमाउन सक्ने सीपयुक्त कोर्ष अध्यापनमा चासो दिएका हौं ।’

उनले भने, ‘कानुन, पत्रकारिता, सौन्दर्यकला, होटल व्यवस्थापन यस्ता विषय हुन्, जसको अध्ययनपछि तत्कालै काम पाइन्छ ।’

अब सुरु हुन लागेको सौन्दर्यकला पनि आकर्षक विषय रहेको र सर्टिफिकेट हात परेपछि व्यवसाय थाल्न सकिने उनको भनाइ छ । विद्यालयले विद्यार्थीलाई उद्यमशील बनाउन पाठ्यक्रम विकास केन्द्रले तोकेको बाहेक थप कोर्स अध्यापन गराउने योजना बनाएको कोइरालाले बताए ।

विद्यालयका प्लस टु संयोजक देव क्षत्रीले ५० प्रतिशत अतिरिक्त पाठ्यक्रम पढाएर विद्यार्थीलाई स्वरोजगारतर्फ आकर्षण गर्ने तयारी गरेको बताए । ‘सैद्धान्तिक ज्ञान त विद्यालयमा पाएका छन् तर त्यसले मात्र पुग्दैन । अब हामीले विद्यार्थीलाई वास्तविक सीप सिकाउने गरी अतिरिक्त कोर्ष डिजाइन गर्दैछौं । अतिरिक्त कोर्ष डिजाइनका लागि सम्बन्धित क्षेत्रका विषयविज्ञ र सरोकारवालासँग बसेर छलफल गर्ने पनि उनले बताए ।

सहप्राचार्य मीनु श्रेष्ठ कुँवरले विद्यार्थीको विदेश पलायन रोक्न सक्ने अवस्था नभएको बताइन् । ‘सबैजना विदेश जान थाले । स्वदेशमा काम नपाएको उनीहरुको गुनासो छ । अब ती विद्यार्थीलाई पढाइ सक्नासाथ काम पाउने विषय अध्यापनमा जोड दिनुपर्छ,’ उनले भनिन्, ‘त्यसमा पश्चिमाञ्चल माविले पहल थालेको छ ।’ विद्यालयमा हाल कक्षा ११ र १२ मा व्यवस्थापन, होटल व्यवस्थापन, विज्ञान, मानविकी र कानुन अध्ययन–अध्यापन भइरहेको छ ।

Related News

सम्बन्धित समाचार

  • ओलम्पिक डे अवसरमा माउन्ट अन्नपूर्णमा विविध प्रतियोगिता

    आदर्श समाज सम्वाददाता असार ४, २०८१
    पोखरा । ओलम्पिक डे अवसरमा माउन्ट अन्नपूर्ण मावि, नदीपुरले विविध प्रतियोगिता गर्ने भएको छ । असार ८ र ९ मा…
  • सृजना माविमा समर मेला

    आदर्श समाज सम्वाददाता असार ४, २०८१
    पोखरा । सृजना सेकेन्डरी स्कुल, सृजनाचोकमा सृजना समर मेला सम्पन्न भएको छ । गत वर्ष एसइईमा सम्मिलित विद्यार्थीले शैक्षिक वृद्धि,…
  • पश्चिमाञ्चलमा ‘फुड फेस्टिभल’

    आदर्श समाज सम्वाददाता असार २, २०८१
    पोखरा । वर्षभरिको सैद्धान्तिक र प्रयोगात्मक ज्ञान बाहिर ल्याउने गरी पश्चिमाञ्चल माविले शनिबार फुड फेस्टिभल आयोजना गरेको छ । कक्षा…
  • पोखरा इन्जिनियरिङ कलेजमा यन्त्र फेस्टिभल

    आदर्श समाज सम्वाददाता असार २, २०८१
    पोखरा । पोखरा इन्जिनियरिङ कलेज स्ववियु आयोजनामा यन्त्र इन्जिनियरिङ तथा आर्किटेक्चर फेस्टिबल सुरु भयो । २ दिनसम्म चल्ने यन्त्र फेस्टिभलमा…
  • अक्सफोर्डमा हाजिरीजवाफ सम्पन्न

    आदर्श समाज सम्वाददाता असार १, २०८१
    पोखरा । पोखरा १३, बाँझापाटनस्थित अक्सफोर्ड स्कुलमा सदनात्मक हाजिरीजवाफ प्रतियोगिता सम्पन्न भएको छ । प्रतियोगितामा हरियो सदनबाट गौरव आचार्य, मोहम्मद…

hero news full width