पृना नेपाली विभागमा प्रदेशस्तरीय अनुसन्धान कार्यशाला

आदर्श समाज सम्वाददाता
जेठ २५, २०८१
nepali bibag progrem photo

पोखरा ।  पृथ्वीनारायण क्याम्पस नेपाली विभागको आयोजनामा बुधबार गण्डकी प्रदेशस्तरीय अनुसन्धान कार्यशाला गोष्ठी भएको छ ।

गोष्ठीका वक्ताहरुले मानव जीवन प्राध्यापक जस्र्तै भएको चर्चा गर्दै अध्ययन, अध्यापन जीवनभर चलिरहने जनाए ।जानेर कहिल्यै सकिदैन, जव जीवन सकिन्छ अनि मात्रै सिक्न छाडिने औंल्याउँदै वक्ताहरुले प्राध्यापन गर्दा पनि अध्ययनलाई निरन्तरता दिनुपर्नेमा जोड दिए ।

उनीहरुले नेपाली साहित्यका विभिन्न विद्याका इतिहास बारेमा साँझा धारणा बनाउनुपर्ने, साहित्यलाई गहिराईमा पुगेर बुझनुपर्ने, हिजोका कुराहरुलाई आजको सन्दर्भमा ढाल्नुपर्ने लगायत धारणा राखे ।

गोष्ठी उद्घाटन गर्दै सहायक क्याम्पस प्रमुख मीनराज लम्सालले विभागले राम्रा कार्यक्रम गर्दै आइरहेको चर्चा गर्दै विभागका गतिविधिमा बजेट अभाव हुन नदिने बताए । अनुसन्धान जीवनभर चलिरहन्छ, तपाइँहरुले पनि अनुसन्धान गर्नुहोस्, सबै मिली नेपाली भाषालाई राम्रो बनाऔं, त्यसैमा सबैको भलाई भएको सहायक क्याम्पस प्रमुख लम्सालको भनाइ छ ।

त्यस अवसरमा त्रिवि प्राध्यापक संघका केन्द्रीय सदस्य कमलराज पौडेल, विभागीय प्रमुख डा. यमनाथ तिमिल्सिना लगायतले धारणा राख्दै नेपाली भाषाका समस्या पहिचान गर्न गोष्ठी सफल हुने विश्वास व्यक्त गरे ।

कार्यक्रमका बीच प्राडा विष्णुप्रसाद पौडेलले ‘नेपाली साहित्यको काल विभाजन र नेपाली उपन्यास’ तथा डा. श्रीधर न्यौपानेले ‘सकम्बरी गीतमा निहितार्थता’ विषयमा कार्यपत्र प्रस्तुत गरे । प्रस्तुत कार्यपत्र माथि ३ समूहमा छलफल भयो ।

छलफल पछि समूह ‘क’ बाट डा. भूमिराज बस्ताकोटी र निर्मल सापकोटा, समूह ‘ख’ बाट मायादेवी कुँवर र विष्णुप्रसाद शर्मा तथा समूह ‘ग’ बाट लोकचन्द्र खनाल र जमूना अर्यालले निष्कर्ष प्रस्तुत गरे ।

सहभागिको तर्फबाट जनज्योति क्याम्पस भिमादकी सीता भट्टराई, संस्कृत क्याम्पसका अम्विका भट्टराई, कन्या क्याम्पसका डा. भूमिराज बस्ताकोटीले गोष्ठीको प्रभावकारिताका विषयमा भनाइ राखे । विभागीय प्रमुख डा. तिमिल्सिनाको अध्यक्षतामा भएको उक्त कार्यक्रममा प्राध्यापक संघ पृथ्वीनारायण क्याम्पस सभापति डा. लक्ष्मीशरण अधिकारीले स्वागत तथा विभागीय सदस्यद्वय डा. पुण्यप्रसाद शर्मा र शोभाकान्त गौतमले सञ्चालन गरे ।

Related News

सम्बन्धित समाचार

  • ओलम्पिक डे अवसरमा माउन्ट अन्नपूर्णमा विविध प्रतियोगिता

    आदर्श समाज सम्वाददाता असार ४, २०८१
    पोखरा । ओलम्पिक डे अवसरमा माउन्ट अन्नपूर्ण मावि, नदीपुरले विविध प्रतियोगिता गर्ने भएको छ । असार ८ र ९ मा…
  • सृजना माविमा समर मेला

    आदर्श समाज सम्वाददाता असार ४, २०८१
    पोखरा । सृजना सेकेन्डरी स्कुल, सृजनाचोकमा सृजना समर मेला सम्पन्न भएको छ । गत वर्ष एसइईमा सम्मिलित विद्यार्थीले शैक्षिक वृद्धि,…
  • पश्चिमाञ्चलमा ‘फुड फेस्टिभल’

    आदर्श समाज सम्वाददाता असार २, २०८१
    पोखरा । वर्षभरिको सैद्धान्तिक र प्रयोगात्मक ज्ञान बाहिर ल्याउने गरी पश्चिमाञ्चल माविले शनिबार फुड फेस्टिभल आयोजना गरेको छ । कक्षा…
  • पोखरा इन्जिनियरिङ कलेजमा यन्त्र फेस्टिभल

    आदर्श समाज सम्वाददाता असार २, २०८१
    पोखरा । पोखरा इन्जिनियरिङ कलेज स्ववियु आयोजनामा यन्त्र इन्जिनियरिङ तथा आर्किटेक्चर फेस्टिबल सुरु भयो । २ दिनसम्म चल्ने यन्त्र फेस्टिभलमा…
  • अक्सफोर्डमा हाजिरीजवाफ सम्पन्न

    आदर्श समाज सम्वाददाता असार १, २०८१
    पोखरा । पोखरा १३, बाँझापाटनस्थित अक्सफोर्ड स्कुलमा सदनात्मक हाजिरीजवाफ प्रतियोगिता सम्पन्न भएको छ । प्रतियोगितामा हरियो सदनबाट गौरव आचार्य, मोहम्मद…

hero news full width