लेखनाथ । युवालाई खेलकुदतर्फ आकर्षण गर्ने उद्देश्यले पोखरा ३० मा वडास्तरीय भलिबल प्रतियोगिता आयोजना गरिएको छ ।

चेतनशील पुन मगर समाज र पुन नमुना युवा क्लब आयोजनामा गरिएको प्रतियोगिता उद्घाटन गर्दै वडाध्यक्ष दुर्गाप्रसाद सुवेदीले युवालाई खेलतर्फ आर्कषण गर्न र भावी पुस्तामा देखिएको मोबाइलको लत कम गराउँदै खेलकुद अपरिहार्य भएको धारणा राखे ।

२६ जेठसम्म चल्ने प्रतियोगितामा २० टिमले भाग लिएका छन् । प्रतियोगितामा प्रथम हुने समूहलाई ४० हजार र द्वितीयलाई २५ हजार सिल्ड, मेडल र प्रमाण पत्र रहेको क्लब सचिव सुशील पुनले बताए ।