यु–१५ विद्यालय खेलकुद प्रतियोगिता

आदर्श समाज सम्वाददाता
जेठ २४, २०८१
u 15

पोखरा । पोखरामा यु–१५ विद्यालय खेलकुद प्रतियोगिता–२०८० तयारी सुरु भएको छ ।

राष्ट्रिय खेलकुद परिषद् तथा प्रदेश खेलकुद परिषद् गण्डकीको आयोजनामा यही जेठ ३० र ३१ गते हुने प्रतियोगिताको निम्ति गण्डकी प्रदेशको छनोट खेल पोखरामा बिहीबार हुँदैछ ।

विद्यालय यू–१५ प्रतियोगिता अन्तर्गत विभिन्न ६ खेलको छनोट पोखरा रंगशालामा हुने परिषद्का सदस्यसचिव श्रीधर शर्माले बताए ।

छात्रछात्रा बास्केटबल, रग्बी, ब्याडमिन्टन, एथलेटिक्स, टेबलटेनिस र बुद्धिचाल खेलका गण्डकीका ११ जिल्लाका ४ सय १६ जना खेलाडी र ७१ जना प्रशिक्षक गरी ४ सय ८७ जना बुधबार पोखरा आइपुग्ने परिषद्का कार्यालय प्रमुख तोपलाल भुसालले बताए ।

एथलेटिक्सतर्फ १०० मि, २०० मि, ४०० मि, ८०० मिटर दौड, सटपुट, लङजम्प, र रिले दौडका लागि ६ छात्र र ६ जना छात्रा गरी १२ खेलाडी छनोट हुनेछन् ।

टेबलटेनिसमा छात्रछात्रा ४–४ जना गरी ८ खेलाडी छनोट हुनेछन् । छनोट हुनेले सिंगल्स, डबल्स, मिक्स डबल्समा प्रतिस्पर्धा गर्नेछन् । व्याडमिन्टनका लागि ४–४ गरी ८ जना खेलाडीको छनोट हुनेछन् ।

व्याडमिन्टनतर्फ सिंगल्स, डबल्स, मिक्स डबल्समा प्रतिस्पर्धा हुनेछ भने बुद्धिचालतर्फ सिंगल्स र टिम इभेन्टमा प्रतिस्पर्धा हुनेछ । बुद्धिचालतर्फ छात्रछात्रा गरी ८ खेलाडी छनोट हुनेछन् ।

रग्वी छात्रछात्रातर्फ १०–१० जना र बास्केटबलतर्फ १०–१० खेलाडी छनोट हुने आयोजकले जनाएको छ । छनोट हुने ७६ खेलाडीलाई पोखरामा बन्द प्रशिक्षणमा राखिनेछ ।

प्रतियोगिता उद्घाटन ३० जेठमा हुनेछ । सबै खेल पोखरा रंगशाला परिसरमै हुनेछन् ।

विद्यालय यू–१५ राष्ट्रिय प्रतियोगितामा ७ प्रदेशका विभिन्न ६ खेलका खेलाडी, प्रशिक्षक र व्यवस्थापक गरी ६ सय ३० जनाले भाग लिने छन् ।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width