पोखरा । प्रदेश खेलकुद परिषद् गण्डकी आयोजना तथा गण्डकी प्रदेश तेक्वान्दो संघ सहआयोजनामा प्रदेशस्तरीय चौंथो आइटिएफ तेक्वान्दो प्रतियोगिता हुने भएको छ ।

तनहुँको भीमादमा जेठ २५ र २६ गते उक्त प्रतियोगिता हुन लागेको परिषद्क प्रदेश सदस्य तथा कार्यक्रम व्यवस्थापक विशाल बुढामगरले बताए । प्रतियोगितामा ३६ स्वर्ण, ३६ रजत र ७२ कास्य गरी १ सय ४४ पदकका लागि पुरुष स्पाइरिङतर्फ २० देखि ८५ केजि तौल समूहमा प्रतिस्पर्धा हुनेछ । महिलातर्फ २० देखि ६५ केजी समूहमा प्रतिस्पर्धा हुनेछ ।

महिला तथा पुरुष प्याट्रनतर्फ हरियो, नीलो, रातो कलर बेल्ट तथा प्रथम, दोस्रो र तेस्रो डान समूहमा प्रतिस्पर्धा हुनेछ । प्रतियोगितामा गण्डकीका ७ जिल्लाका प्रतियोगीले भाग लिने छन् । जसमा कास्कीसहित तनहुँ, बागलुङ, पर्वत, स्याङ्जा, नवलपुर, लमजुङ जिल्लाबाट हरेक जिल्लाका ३० जना खेलाडी र प्रशिक्षक तथा अफिसियल गरी २ सय ५० भन्दा बढीले भाग लिने छन् ।

परिषद्का सदस्यसचिव श्रीधर शर्माले प्रतियोगिता उद्घाटन गर्ने छन् । समापन भीमाद नगरपालिकाका प्रमुख दधिराज सुवेदीले गर्ने आयोजकले जनाएको छ ।