पोखरा । युनाइटेड कम्युनिटी नेपाल (युनिकन) आयोजना, फिफा फाउन्डेसन सहयोगमा पोखराका ५ विद्यालयका विद्यार्थीलाई निशुल्क फुटबल प्रशिक्षण सुरु भएको छ ।
एन्फा कास्की, पोखरा महानगरको खेलकुद विकास समिति र जिल्ला खेलकुद विकास समिति कास्की समन्वयमा सो प्रशिक्षण भएको हो । ‘फुटबल फर फ्युचर’ परियोजनाको अभिमुखीकरण कार्यक्रमकको उद्देश्यमाथि प्रकाश पार्दै युनिकनका कार्यकारी निर्देशक विनोद न्यौपानेले सामुदायिक विद्यालयको विद्यार्थी यस किसिमको अवसरबाट बञ्चित हुन नपरोस् भनी यो कार्यक्रम सुरु भएको बताए ।
कार्यक्रमबाट विद्यार्थीको चौतर्फी विकासमा सहयोग पुग्ने र सामुदायिक विद्यालयका विद्यार्थीले आफ्नै स्रोतमा यस किसिमको अवसर सिर्जना गर्न समस्या हुने भएकाले यो कार्यक्रम तयार पारी सञ्चालन गर्न लागिएको न्यौपानेले बताए ।
परियोजना पोखराका वाराही, कन्या, शीतलादेवी, शिवशक्ति र अमरसिंह माध्यमिक विद्यालयमा सञ्चालन हुनेछ ।
जिल्ला खेलकुद विकास समितिका कार्यालय प्रमुख सनबहादुर लामाले यस किसिमको कार्यक्रमले विद्यालय र संस्थाको मात्र विकास नभई जिल्लाको लागि नै खेलाडी उत्पादनमा सहयोग पुग्ने बताए । पोखरा महानगरपालिका खेलकुद विकास समिति अध्यक्ष दीपक गोदारले कार्यक्रम सफल बनाउन सबै पक्षबाट साथ र सहयोग हुनुपर्ने बताए ।
यसबाट ५ विद्यालयका ३ सय जना विद्यार्थी प्रत्यक्ष रुपमा लाभान्भित हुनेछन् भने परियोजनाभित्र अन्तरविद्यालय फुटबल प्रतिस्पर्धा, कथावाचन कार्यक्रम, शनिबार रंगशालामा भेला र व्यक्तिगत वृद्धि विकासको सहजीकरण जस्ता कार्यक्रम समावेश गरिएको छ । युनिकन संस्थाका अध्यक्ष शिवकुमार पौडेलको अध्यक्षतामा भएको कार्यक्रममा सम्बन्धित विद्यालयका प्रअ तथा खेलकुद शिक्षक, परियोजना अन्तर्गतका प्रशिक्षक उपस्थित थिए ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१