विद्यार्थीलाई वातावरणबारे सचेतना

आदर्श समाज सम्वाददाता
जेठ २३, २०८१
enviroment day

पोखरा ।  राष्ट्रिय सम्पदा तथा जनअधिकार संरक्षण समिति नेपालले विभिन्न कार्यक्रम गरी विश्व वातावरण दिवस मनाएको छ ।

जनप्रिय माध्यमिक विद्यालय सिमलचौरका विद्यार्थीलाई वातावरणसँग सम्बन्धित सचेतना दिई दिवस मनाइएको हो । कार्यक्रममा पत्रकार एवं गिद्ध संरक्षण अभियन्ता कृष्णमणि बरालले फेवातालको वर्तमान अवस्थाबारे विद्यार्थीलाई जानकारी दिए ।

बरालले २०–३० वर्ष पुरानो फेवाको अवस्था र मानव अतिक्रमणको चपेटाले प्रदूषण भएको अहिलेको फेवा ताल दर्शाउने फोटो तथा भिडियो प्रदर्शन गरे । संस्थाका सदस्य एवं पृथ्वीनारायण क्याम्पसका वनस्पति शास्त्रका प्राध्यापक कल्याण पन्तले पोखरा र आसपासको क्षेत्रमा पाइने बोटबिरुवा र जीवजन्तु र यसको पर्यावरणबारे चर्चा गरेका थिए । संस्थाका अध्यक्ष ठाकुरप्रसाद बरालले विद्यार्थीबाट नै यस्ता चेतनामूलक कार्यक्रम गर्दा वातावरण संरक्षण र दिगो पर्यावरणमा टेवा पुग्ने विचार राखे ।

पछिल्लो चरणमा विद्यार्थीमा यस्ता कार्यक्रम निकै प्रभावकारी रहेको बताउँदै उनले आगामी दिनमा समेत सम्पदा संरक्षण वातावरण संरक्षण र मानव अधिकारका कार्यक्रम विद्यालयहरुमा गर्दै जाने सुनाए । विद्यालयका प्रधानाध्यापक देवीप्रसाद बस्ताकोटीले सामाजिक संघ, संस्थाले विद्यालयमा यस्ता कार्यक्रम सञ्चालन गर्दा विद्यार्थी पाठ्यक्रमभन्दा बाहिरका जीवनोपयोगी कुरा सिक्न पाउने विचार राखे । कार्यक्रममा संस्थाका महासचिव दिलीप दोषी, सचिव विन्देश्वरी बराल लगायतले बोलेका थिए ।

संस्थाका उपाध्यक्ष इन्जिनियर विष्णुप्रसाद पौडेलले ध्यान र मेडिटेसन परिचय र प्रयोगबारे प्रशिक्षण दिए । वातावरण दिवसकै सन्दर्भ पारेर गत शनिबार सम्पदाले पर्यावरण अवलोकन भ्रमणसमेत गरेको थियो । मेथलाङ फेदीमा रहेको जंगलका बोटबिरुवा र पोखरा पन्छी समाजसँगको सहकार्यमा चरा अवलोकन र चराको पर्यावरणमा महŒवबारे कार्यक्रम गरिएको थियो । पोखरा पछी समाजका कोषाध्यक्ष हिरा मल्लले यस क्षेत्रमा पाइने चराबारे जानकारी गराएकी थिइन् भने ३० प्रजातिका चरा १ घण्टाको अवधिमा अभिलेख गरिएको थियो ।

Related News

सम्बन्धित समाचार

  • बाढीपहिरोबाट तनहुँमा ७ हजार प्रभावित हुने अनुमान   

    आदर्श समाज सम्वाददाता असार १०, २०८१
    दमौली ।  यस वर्षको बाढीपहिरोबाट तनहुँमा सात हजार प्रभावित हुनसक्ने अनुमान गरिएको छ । जिल्ला प्रशासन कार्यालयले तयार गरेको आपत्कालीन…
  • जलवायु परिवर्तनका असरबारे चिन्ता

    आदर्श समाज सम्वाददाता जेठ २६, २०८१
    पोखरा । जलवायु परिवर्तनको असरबारे एक कार्यक्रमका वक्ताले चिन्ता व्यक्त गरेका छन् । निवृत्त प्राध्यापक समाज पोखरा आयोजनामा शुक्रबार ‘जलवायु…
  • बकुल्लाको बास जोगाउन आग्रह

    आदर्श समाज सम्वाददाता जेठ २५, २०८१
    पोखरा । राष्ट्रिय सम्पदा तथा जनाधिकार संरक्षण समिति नेपालले पोखरा महानगरपालिका वडा नम्बर ६ को बाराही घाटमा रहेको बकुल्लाको बास…
  • अन्नपूर्णमा वृक्षरोपण

    आदर्श समाज सम्वाददाता जेठ २४, २०८१
    पोखरा । विश्व वातावरण दिवस अवसरमा अन्नपूर्ण गाउँपालिका आयोजनामा वृक्षरोपण गरिएको छ । पालिका परिसर, सडक पेटी, वडा. २ र…
  • लेकसिटीका विद्यार्थीले घार्मीडाँडामा रोपे बिरुवा

    आदर्श समाज सम्वाददाता जेठ २३, २०८१
    पोखरा । लेकसिटी कलेज एण्ड रिसर्च सेन्टर पोखराका विद्यार्थीले विश्व वातावरण दिवसको अवसर पारेर बुधबार वृक्षरोपण गरेका हुन् । सामाजिक…

hero news full width