पोखरा । साइन रेसु‌ंगा डेभलपमेन्ट बैंकका कर्मचारी र ग्राहकले पोखराको मेडिप्लस हस्पिटल एन्ड ट्रमा सेन्टरमा उपचार गर्दा विशेष छुट पाउने भएका छन् ।

मेडिप्लस हस्पिटल र साइन रेसु‌ंगा बैंकले आफ्ना ग्राहकलाई हस्पिटलका विभिन्न सेवामा छुट दिन १ कार्यक्रम गरी  सम्झाैता गरेका हुन् । जसअनुसार बैंकका कर्मचारी तथा बैंकमा खाता भएका ग्राहकहरुले ५ देखि १५ प्रतिशतसम्मको छुट पाउनेछन् ।

यो सम्झौता २ वर्षका लागि लागु हुने हस्पिटलका व्यवस्थापक सुरेशराज सुवेदीले जानकारी दिए । अस्पतालका तर्फबाट व्यवस्थापक सुरेशराज सुवेदी, बजार व्यवस्थापक  शोभाकर पान्डे र साइन रेसु‌ंगाका पोखरा  शाखा प्रमुख नवराज बरालले सम्झौता पत्रमा हस्ताक्षर गरेका छन् ।

बै‌ंकका ग्राहकले उक्त सेवा लिनका लागि अनिवार्य साइन रेसु‌ंगा बैंकको मोबाइल बैंकिङ, कार्ड तथा चेकबाट भुक्तानी गरेको हुनुपर्ने छ । सम्झौता अनुसार उक्त बैंकका गण्डकी प्रदेशका सम्पूर्ण शाखाका कर्मचारी तथा ग्राहक लाभान्वित हुनेछन् ।

अस्पतालले हाल भारतीय गोर्खा सैनिकको स्वास्थ्य सेवा इसिएचएस तथा सामाजिक सुरक्षा कोष अन्तर्गतको स्वास्थ्य सुविधा प्रदान गरिरहेको हस्पिटलका व्यवस्थापक सुरेशराज सुवेदीले जानकारी दिए ।