पोखरा । पोखरा १३ गोैंडाकोमुखमा सोमबार बिहान गुडिरहेको टिप्परमा मोटरसाइकल ठोक्किँदा १ जनाको निधन भएको छ भने १ जना घाइते भएका छन् ।

दुर्घटनामा घाइते भएकी मोटरसाइकल चालकसँगै रहेकी काहुँखोलाकी १८ वर्षे बविता रिमालको उपचारका क्रममा निधन भएको हो ।

दुवै खुट्टा र ढाडमा चोट लागेको अवस्थामा रिमाललाई गण्डकी मेडिकल कलेज लगिएकामा उपचारकै क्रममा निधन भएको प्रहरीले जनाएको छ । मोटरसाइकल चालक कमल क्षेत्रीको दुवै खुट्टा र दाँया हातमा चोट लागेको र अवस्था सामान्य छ ।

पोखरा १३ को बिपी मार्गबाट लामाचौर जाँदै गरेको ग१ख ६३९४ नम्बरको टिप्परमा सोही दिशातर्फ जाँदै गरेको लु८७प ९५२० नम्बरको मोटरसाइल ठोक्किँदा त्यसमा सवार २ जना घाइते भएका थिए ।

सिआरभी भद्रकालीबाट प्रहरी टोली खटिइ मोटरसाइकल, टिप्पर र टिप्पर चालकलाई नियन्त्रणमा लिइ थप अनुसन्धान भइरहेको प्रहरीले जनाएको छ ।