पोखरा । बिहीबार साँझपख आएको हावाहुरीका कारण फेवातालको बीचमा फँसेकी विदेशी महिलाको सशस्त्र प्रहरीले सकुसल उद्धार गरेको छ । सशस्त्र प्रहरी बल नंम्बर २४ कालिका गणको टोलीले उनको उद्धार गरेको हो । काठको डुंगा भाडामा लिई उनी फेवातालमा सयर गरेकी थिइन् ।

दिउँसो करिब ४ बजेतिर हावाहुरीमा परी बीच तालमा अतालिएर उद्धारका लागि चिच्याइरहेका बेला सशस्त्रको टोली पुगेको कालिका गणका गणपति एसपी अरुण कुमार शर्माले जानकारी दिए ।

उनी अस्ट्रियाबाट नेपाल घुम्न आएकी २७ वर्षीय लाउरा रहेको गणपति शर्माले जानकारी दिए ।

सशस्त्रको फेवाताल रेस्क्यु टावरमा खटिएको विशेष विपद् व्यवस्थापन टोलीले उक्त घटना भएलगत्तै तुरुन्त परिचालित भइ उद्धार गरेको थियो ।