गण्डकीका अर्थमन्त्री गुरुङले पेस गरे बजेटका सिद्धान्त र प्राथमिकता

आदर्श समाज सम्वाददाता
जेठ १७, २०८१
takaraj girung

पोखरा । गण्डकी प्रदेश सभामा आगामी वर्षको बजेटको सिद्धान्त र प्राथमिकता प्रस्तुत भएको छ । आर्थिक मामिला मन्त्री डा. टकराज गुरुङले संसदमा बजेटको सिद्धान्त र प्राथमिकता प्रस्तुत गरेका हुन् ।

आत्मनिर्भर तथा समुन्नत प्रदेश : सम्मानित प्रदेशवासी बनाउने प्रदेश सरकारको प्रतिबद्धतालाई आधारशीलाका रुपमा लिएर आगामी वर्षको बजेट बनाइने अर्थमन्त्री गुरुङले बताए ।

संघीयताको सबलीकरण, सन्तुलित क्षेत्रगत विकास, सामाजिक विकास र समतामूलक समाजको स्थापना, दीगो विकास र वातावरण संरक्षण, कार्यक्रमको प्रभावकारिता र सुशासन प्रवद्र्धन र सेवा प्रवाहमा सुधार गर्ने लक्ष्यका साथ बजेट निर्माण गरिने मन्त्री गुरुङको भनाइ थियो ।

४३ बुँदामा तयार गरिएको सिद्धान्त र प्राथमिकतामा सुदृढ प्रादेशिक अर्थतन्त्र निर्माणका लागि आवश्यक रुपान्तरणकारी रणनीति अवलम्बर गरी हस्तक्षेपकारी कार्यक्रमका रुपमा इन्भेस्ट गण्डकी कार्यक्रम मार्फत् प्रदेशमा लगानी आकर्षण, रोजगारी वृद्धि र पूर्वाधार निर्माणको कार्य अगाडि बढाइने उल्लेख छ ।
हिमाली तथा दुर्गम क्षेत्रमा सञ्चालित आवासीय विद्यालय विकास कार्यक्रमका साथै बिग र लिड विद्यालय विकास कार्यक्रम सञ्चालनका लागि स्थानीय तहसँग साझेदारी गरिने भएको छ ।

वित्तीय संघीयताको हालसम्मको अभ्यास र आगामी कार्यदिशाका सम्बन्धमा वित्तीय संघीयतामा गण्डकी प्रदेश विषयक सम्मेलन गरिने विषयलाई प्राथमिकतामा राखिएको छ ।

सर्वोच्चको आदेशपछि मुख्यमन्त्रीमा बुधबार नियुक्त भएका सुरेन्द्रराज पाण्ड नेतृत्वको सरकार रातभरको मेहनतमा बजेटको सिद्धान्त र प्राथमिकता तयार पारेको हो ।

पाण्डे नेतृत्वको सरकारले दोस्रो पञ्चवर्षीय योजनाको आधारपत्र पहिले नै सार्वजनिक गरेको थियो । तर अधिकारी सरकारले नारासहित पुनर्लेखन गरेर पुन सार्वजनिक गरेको थियो । अधिकारी सरकारले राखेको नारा हटाएर अहिलेको सरकारले पुरानै नारा तय गरेको छ ।

सिद्धान्त र प्राथमिकतामाथि अहिले संसदमा छलफल चलिरहेको छ ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width