पोखरा । नेपाल दशनामी समाज कास्कीले पोखरामा आयोजना गरेको बृहत् छलफल तथा अन्तरक्रियाका वक्ताले समाजले समुदायको हितमा क्रियाशील हुँदै मौलिक संस्कार, संस्कृति संरक्षण र नयाँ पुस्तामा हस्तान्तरण गर्दै जर्गेना गर्नुपर्नेमा जोड दिए ।

समाजका ज्येष्ठ सदस्य केदार गिरीले पुर्खाको इतिहास भुुल्न नहुने सुझाव दिए । आफ्नो संस्कार, संस्कृति के थियो भन्नेबारे जानकारी लिनुपर्ने र त्यसलाई आत्मसाथ गर्दै अगाडि बढनुपर्नेमा उनको भनाइ थियो ।

‘बाबुबाजेले गर्दै आएको संस्कारलाई आत्मसाथ गर्दै नयाँ पुुस्तामा पुुस्तान्तण गर्नुुपर्छ,’ उनले भने, ‘दशनामी ब्राहमणका पनि गुुरु हुन् भन्ने अग्रजबाट सुन्दै आएको हुुँ । जातीय संस्थाको आवश्यकता पछिल्लो समय महसुुस गरिए स्थापना गरिएको हो । संस्थाले सबैलाई समेटेर जानसके मात्रै सफल हुन्छ ।’

दशनामी समाजका वरिष्ठ उपाध्यक्ष तारा गिरीले दशनामी समाजमा समस्या थियो तर अहिले समाजको केन्द्रीय कार्यालयले धेरै काम गरेको बताउँदै समावेशी आयोगमा समेत दशनामीले ज्ञापनपत्र बुुझाइएको बताए ।

दशनामी कास्कीका पूर्व अध्यक्ष रमेश गिरीले कास्कीले अगुुवाइ गरेर सबैलाई एकताबद्ध गरेर जानुपर्नेमा जोड दिए । दशनामी र सन्यासी एकै हौं भन्नेबारे अन्योल रहेको बताउँदै यस विषयमा स्पष्ट हुुनुपर्ने बताए ।

दशनामी समाज कास्कीका अध्यक्ष भूपेन्द्र गिरीको अध्यक्षतामा भएको कार्यक्रममा दशनामी समाज स्याङ्जाका सल्लाहकार कपिल गिरी, दशनामी समाजका सचिव बोधराज गिरी, कास्की कोषाध्यक्ष सुनिता गिरी, गोविन्द गिरी, प्रथम उपाध्यक्ष भरत गिरी, अरुण गिरी, पत्रकार एकराज गिरी लगायतले बोलेका थिए ।