पोखरा । पोखराको नयाँबजारमा अवस्थित उन्नति बचत तथा ऋण सहकारी संस्था लिमिटेडले बुधवार आयोजना गरेको खुला रक्तदान कार्यक्रममा ६० जनाले रक्तदान गरे ।

सहकारीको १६ औं वार्षिकोत्सवका अवसर पारेर संस्थाको मुख्य कार्यालय नयाँबजार पोखराको प्रांगणमा रक्तदान कार्यक्रम आयोजना गरिएको हो ।

सहकारीका अध्यक्ष राजेश रानाभाटले संस्थाका सदस्य सुरेश न्यौपानेलाई ब्लडब्याग हस्तान्तरण गरी कार्यक्रम शुभारम्भ गरेका थिए । अध्यक्ष रानाभाटले संस्थाले रक्तदानलगायत विभिन्न सामाजिक उत्तरदायित्वका कार्यहरू गर्दै आएको चर्चा गरे ।

संस्थाले आफ्नो वार्षिकोत्सवका अवसरमा बर्सेनि रक्तदान कार्यक्रम गर्दै आएको र यसलाई आगामी वर्षहरूमा समेत निरन्तरता दिइने कार्यालय प्रमुख भगवान भट्टराईले जानकारी दिए ।