रविचन्द्रलाई अन्नपूर्ण पर्यटन पुरस्कार

आदर्श समाज सम्वाददाता
जेठ १६, २०८१
annapurna paryatan puraskar

पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।

नेपाल पत्रकार महासंघ कास्की पूर्व उपाध्यक्ष राजबहादुर गुरुङको संयोजकत्वमा गठित ५ सदस्यीय प्रतिभा छनोट समितिले उनलाई पुरस्कारका लागि सिफारिस गरेको हो । समिति सदस्यमा पत्रकार एवं पर्यटन समितिका कानुनी सल्लाहकार अधिवक्ता हरिप्रसाद भट्टराई, पत्रकार एवं समितिका मिडिया संयोजक टंकराज अधिकारी थिए । पदेनसदस्य समिति अध्यक्ष ललित गुरुङ र महासचिव दिलीप गुरूङ थिए ।

कास्कीको अन्नपूर्ण गाउँपालिकाको पर्यटन प्रवद्र्धन गर्न सञ्चारमाध्यममार्फत समाचार प्रकाशन तथा प्रसारणमा महत्वपूर्ण भूमिका खेल्ने सञ्चारकर्मीलाई सो पुरस्कारबाट पुरस्कृत गरिँदै आएको समिति अध्यक्ष ललित गुरुङले बताए । पुरस्कार अन्नपूर्ण सेन्चुरी पर्यटन समितिद्वारा यही २१ जेठमा घान्द्रुकमा आयोजना हुने चौंथो अन्नपूर्ण म्याराथन समापन समारोहमा प्रदान गरिने छ । पुरस्कार राशि २५ हजार र सम्मानपत्र छ ।

पराजुली २९ वर्षदेखि सुरूमा पोखरा र हाल काठमाडौंलाई कार्यक्षेत्र बनाएर पर्यटन लगायतका विभिन्न क्षेत्रमा कलम चलाउँदै आएका छन् । हाल उनी नेपाल टेलिभिजनमा आवद्ध छन् । यसअघि नेपाल समाचारपत्र, नेपालीपत्र साप्ताहिक, सारथी साप्ताहिक लगायतमा संलग्न थिए ।

नेपाल टेलिभिजनमै साप्ताहिक रुपमा शिक्षा विवेचना कार्यक्रम सञ्चालन गर्दै आएका उनले पर्यटन शिक्षाको अवस्था, देखिएका चुनौती र गर्नुपर्ने सुधारबारे समेत छलफल चलाउँदै आएका छन् । उनले त्रिवि सम्बन्धन प्राप्त नेपाल माउन्टेन एकेडेमीमा पर्वतारोहण व्यवस्थापन विषय समेत प्राध्यापन गर्छन् ।पहिलो पल्ट सो पुरस्कार पत्रकारद्वय बासुदेव पौडेल र दीपक परियार तथा दोस्रो पल्ट रूपनारायण ढकाल र सन्तोष पोखरेललाई संयुक्त प्रदान गरिएको थियो ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width