सगरमाथा आरोही इन्स्पेक्टर सुरजलाई स्याङ्जामा नागरिक अभिनन्दन

आरोही पौडेलको जीवनी स्थानीय पाठ्यक्रममा समावेश गरिने

आदर्श समाज सम्वाददाता
जेठ १६, २०८१
sagarmatha aarohi

पोखरा । स्याङ्जाको आँधिखोला गाउँपालिकाले सशस्त्र प्रहरी, बल नेपालमा कार्यरत सगरमाथा आरोही प्रहरी निरीक्षक (इन्स्पेक्टर) सुरज पौडेललाई सम्मान तथा नागरिक अभिनन्दन गरेको छ ।

सशस्त्र प्रहरी बल, नेपालको इतिहासमा पहिलोपटक सगरमाथा चढेका पौडेललाई बुधबार गृहपालिका आँधिखोलामा दोसल्ला, सम्मान–पत्र, बाजागाजासहित सम्मान तथा अभिनन्दन गरिएको हो । नागरिक अभिनन्दनको क्रममा पौडेललाई आँधिखोला–५ सेतीदोभानदेखि आँधिखोला–२ चिलाउनेबाससम्म परिक्रमा गराइएको थियो । उनी चिलाउनेबासका बासिन्दा हुन् ।

अभिनन्दनपछि बोल्दै आरोही पौडेलले गाउँबाट पाएको मायाले आफ्नो खुसीमा थप ऊर्जा थपिएको सुनाए । सगरमाथा आरोहण सहज नरहेको र सगरमाथाबाट फर्किनु मृत्युलाई जित्नु बराबर भएको उनको भनाइ थियो । ‘सगरमाथा चढ्नुमात्र ठूलो कुरा होइन । चुचुरोमा पुग्नु जत्तिकै जोखिम फर्कंदा पनि हुन्छ,’ उनले भने, ‘चुनौतीपूर्ण अवस्था, कठिन मौसम, भौगोलिक अवस्था, मानसिक स्थिति र पीडादायक शारीरिक स्थितिबीच आफ्नो पालिकालाई चिनाउन पाउँदा खुसी लागेको छ ।’

पौडेलले कुनै साहित्यकार सगरमाथा आरोहण गर्न गए ऊ नसक्ने सुनाए । सगरमाथा क्षेत्रमा रचनाका स्रोत रहेको र पुस्तक नै लेख्न सकिने उनको भनाइ थियो । ‘कुनै कवि वा साहित्यकार सगरमाथा आरोहण गर्न गए ऊ चढ्नै सक्दैन । यति मनोरम, यति भावनात्मक हिसाबले फरक अनुभूति हुन्छ,’ आरोही पौडेलले भने, ‘साहित्यकारले रचना रच्दा–रच्दा महाकाव्य नै लेख्न सकिने अनुभूति त्यहाँ संगाल्न सकिनछ ।’

गण्डकी प्रदेश सभा सदस्य सुधिरकुमार पौड्यालले नयाँ र फरक गर्न खोज्नेलाई सम्मान र अभिनन्दनजस्ता गतिविधिले प्रोत्साहान गर्ने भएकाले निरन्तरता दिइनुपर्ने बताए । कर्तव्य पूरा गर्नुपर्ने दायित्वबीच सगरमाथा शिखर पुगेर गाउँको नाम राखेको भन्दै उनले खुसी व्यक्त गरे ।

गाउँपालिका अध्यक्ष विश्वनाथ पौडेलले आरोही पौडेलको जीवनी स्थानीय पाठ्यक्रममा समावेश गर्ने प्रतिबद्धता जनाए । आँधिखोला सगरमाथा चढ्ने पहिलो सशस्त्र प्रहरीको गाउँ हो भनेर चिनाउन पाउनु गर्वको विषय भएको उनले बताए ।

गाउँपालिकासहित आरोही पौडेलको जन्म गाउँ चिलाउनेबासमा आँधिखोला–२ वडा कार्यालयले पनि सम्मान कार्यक्रम गरेको थियो । वडाध्यक्ष कमलप्रसाद पौडेल र वडा सदस्यहरूले आरोही पौडेललाई सम्मान पत्र हस्तान्तरण गरेका थिए ।

चैत ३० मा सगरमाथातर्फ प्रस्थान गरेका पौडेल जेठ ७ गते बिहान १०ः२० बजे चुचुरोमा पुगेका थिए । उनी शेर्पा एक्स्ट्रिम प्रा.लिमार्फत ३० चैतमा सगरमाथा आरोहणका लागि प्रस्थान गरेका थिए । पौडेलले सगरमाथा शिखरमा सशस्त्र प्रहरी बल र आँधिखोला गाउँपालिकाको झण्डा फहर्‍याएका थिए ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width