गण्डकीमा पहिलोपटक माओवादी सत्ताविमुख, चुमानको मुख्यमन्त्री सपना अधुरै

आदर्श समाज सम्वाददाता
जेठ १६, २०८१
minister chuman

हरिबहादुर चुमानको फाइल तस्बिर

पोखरा । संघीयता कार्यान्वयनमा आएपछि गण्डकी प्रदेशमा पहिलोपटक नेकपा माओवादी सत्ताविमुख हुने भएको छ । परिवर्तित राजनीतिक परिवेश र सर्वोच्चको परमादेशबाट कांग्रेसका सुरेन्द्रराज पाण्डे मुख्यमन्त्रीमा नियुक्त भएसँगै माओवादी स्वतः सत्ताविमुख भएको हो ।

केन्द्रमा प्रधानमन्त्री पुष्पकमल दाहाल प्रचन्डले कांग्रेस छाडेर एमालेसँग गठबन्धन बनाएपछि गण्डकीमा माओवादीले कांग्रेसको साथ छाडेको थियो । त्यसपछि बनेको खगराज अधिकारी नेतृत्वको सरकारमा माओवादी हरिबहादुर चुमान अर्थमन्त्री बनेका छन् । सर्वोच्चको परमादेशसँगै उनको पद स्वतः गएको छ ।

संघीयता कार्यान्वयन लगत्तै एमालेका पृथ्वीसुब्बा गुरुङ नेतृत्वको सरकारमा माओवादी चुमानकै नेतृत्वमा सरकारमा गएको थियो । ७ सदस्यीय मन्त्रीमण्डलमा चुमानसहित गोरखाका लेखबहादुर थापा मन्त्री बनेका थिए । त्यसपछि बनेको कृष्णचन्द्र नेपाली पोखरेल नेतृत्वको सरकारमा रामजीप्रसाद बराल जीवनको नेतृत्वमा माओवादी सरकारमा सामेल भयो । अर्थमन्त्रालयको नेतृत्व बरालले सम्हाल्दा माओवादीका २ जना वन तथा वातावरण र कृषि मन्त्री बने ।

दोस्रो चुनावपछि बनेको खगराज अधिकारी नेतृत्वको सरकारमा चुमान भौतिक पूर्वाधार तथा यातायात व्यवस्था मन्त्री बने । उनीसँगै रेशम जुग्जाली पर्यटन, वन वातावरण तथा उद्योग मन्त्री भए ।

अधिकारी नेतृत्वको सरकार १ सय ५ दिनमा ढल्यो । त्यसपछि पोहोर वैशाख १५ मा कांग्रेसका सुरेन्द्रराज पाण्डे नेतृत्वको सरकारमा समेत माओवादीले गतिले मन्त्रालयका साथ सरकारमा सहभागिता जनायो । रेशम जुग्जालीले भौतिक मन्त्रालयको नेतृत्व गर्दा सुशीला सिंखडा सामाजिक विकास तथा स्वास्थ्य मन्त्री बनिन् । पाण्डे नेतृत्वको सरकारलाई माओवादीले दिएको विश्वासको फागुन अन्तिममा फिर्ता लिँदै सरकारबाट बाहिरियो ।

त्यसपछि चैत २५ मा खगराज अधिकारीको नेतृत्वमा सरकार गठन भयो । त्यसमा माओवादी संसदीय दलका नेता चुमान अर्थ मन्त्रालयको जिम्मा लिएर सरकारमा सामेल भए ।

दुवै कार्यकालमा पटकपटक मुख्यमन्त्रीमा दाबी गरेका चुमानको प्रदेश हाक्ने सपना पूरा हुनै पाएको छैन । कृष्णचन्द्र नेपाली पोखरेल मुख्यमन्त्री बन्ने बेलामा होस् या पहिलोपटक खगराज अधिकारी वा पहिलोपटक सुरेन्द्र पाण्डे मुख्यमन्त्री बेलामा चुमाले च्याँखे दाउ थापिरहे । तर उनको रहर पूरा हुन पाए । पाण्डे नेतृत्वको सरकार बन्ने बेलामा अन्तिम समायमा माओवादीलाई मुख्यमन्त्री दिन सहमति भए पनि त्यो अवधि नआउँदै पाण्डे सरकार ढल्यो । अनि चुमानको रहर अधुरै रह्यो ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width