मुख्यमन्त्री पाण्डेको शपथ ५ बजे पोखरा सभागृमा

आदर्श समाज सम्वाददाता
जेठ १६, २०८१
niyukti

पोखरा । सर्वोच्चको परमादेशबाट मुख्यमन्त्री नियुक्त नेपाली कांग्रेसका सुरेन्द्रराज पाण्डेको शपथ आजै ५ बजे हुने भएको छ । यसका लागि पोखरा सभागृहमा तयारी थालिको छ । प्रदेश प्रमुखको निवासमा हुने गरेको शपथ बर्खामा हावाहुरी र पानीको त्रासले पोखरा सभागृहमा हुन लागेको हो ।

सर्वोच्च अदालतको परमादेश अनुसार प्रदेश प्रमुख डिल्ली राज भट्टले संविधानको धारा १६८ को उपधारा ३ बमोजिम पाण्डेलाई आजै मुख्यमन्त्री नियुक्त गरेका हुन् । उनी यो पटक ठूलो दलको नेताका रुपमा मुख्यमन्त्री बनेका हुन् ।

यसभन्दा अघि नेकपा (माओवादी केन्द्र) र नेकपा (एकीकृत समाजवादी)को समर्थनमा पाण्डे मुख्यमन्त्री बनेका थिए । केन्द्रमा सरकार परिवर्तनसँगै नेकपा एमालेका खगराज अधिकारी पुनः मुख्यमन्त्री बनेको थिए ।

मुख्यमन्त्री अधिकारीको विश्वासको मतविरुद्ध कांग्रेस ससंदीय दलका नेता सुरेन्द्रराज पाण्डेले सर्वोच्चमा रीट दर्ता गरेका थिए । मुख्यमन्त्री अधिकारीले वैशाख २३ गते लिएको विश्वासको मतविरुद्ध परेको रिटमाथि सोमबार न्यायाधीशहरु कुमार रेग्मी र सुनीलकुमार पोखरेलको संयुक्त इजलासले ६० सदस्यीय प्रदेशसभामा विश्वासको मत पाउन ३१ जनाको समर्थन हुनुपर्ने व्याख्या गरेको छ । साथै, अदालतले खगराज अधिकारीले लिएको विश्वासको मतलाई असंवैधानिक ठहर गर्दै ४८ घण्टाभित्र संविधानको धारा १६८ को उपधारा ३ अनुसार कांग्रेस संसदीय दलका नेता सुरेन्द्रराज पाण्डेलाई मुख्यमन्त्री नियुक्त गर्न परमादेश दिएको थियो ।

गण्डकीमा कांग्रेसका २७, नेकपा एमालेका २२, माओवादी केन्द्रका सभामुखसहित ८, राप्रपाका २ र एक जना स्वतन्त्र सांसद छन् । ६० सदस्यीय प्रदेशसभामा बहुमत संख्या ३१ जना हुनुपर्छ ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width