सर्वोच्चको आदेश प्रदेश प्रमुखकोमा आइपुग्यो, अध्ययन गर्दै प्रदेश प्रमुख

आदर्श समाज सम्वाददाता
जेठ १६, २०८१
Pradesh Pramukh Dilli Raj Bhatta office

पोखरा । कांग्रसका सुरेन्द्रराज पाण्डेलाई ४८ घन्टाभित्र मुख्यमन्त्रीमा नियुक्त गर्न सर्वोच्च दिएको परमादेशको प्रति प्रदेश प्रमुखको कार्यालयमा आइपुगेको छ । इमेलमार्फत् चिठी प्राप्त भएको र प्रदेश प्रमुखले अध्ययन गरिरहनुभएको प्रदेश प्रमुखको कार्यालयका प्रवक्ता चण्डीप्रसाद अर्यालले बताए । प्रदेश प्रमुखको निर्देशन पाएलगत्तै शपथको कार्यक्रम तय गरिने बताए । मुख्यमन्त्री तथा मन्त्रीपरिषदको कार्यालयमा समेत पदभार ग्रहणको तयारी गरिएको छ ।

सर्वोच्च अदालतले सोमबार प्रदेश प्रमुखका नाममा परमादेश जारी गर्दै ४८ घन्टाभित्र पाण्डेलाई संविधानको धारा १६८ को ३ अनुसार मुख्यमन्त्रीमा नियुक्त गर्न भनेको थियो ।
प्रदेश प्रमुखको कार्यालयमा सर्वोच्चको पत्र नआइपुगेका कारण नियुक्ति र शपथको समय भने तोकिएको छैन । प्रदेश प्रमुखको कार्यालयका प्रवक्ता चण्डीप्रसाद अर्यालले पत्र पाएलगत्तै शपथको कार्यक्रम तय गरिने बताए । मुख्यमन्त्री तथा मन्त्रीपरिषदको कार्यालयमा समेत पदभार ग्रहणको तयारी गरिएको छ ।

उपधारा ३ मा ‘प्रदेश सभाको निर्वाचनको अन्तिम मत परिणाम प्राप्त भएको मितिले ३० दिनभित्र उपधारा २ बमोजिम मुख्यमन्त्री नियुक्त हुन सक्ने अवस्था नभएमा वा त्यसरी नियुक्त मुख्यमन्त्रीले उपधारा ४ बमोजिम विश्वासको मत प्राप्त गर्न नसकेमा प्रदेश प्रमुखले प्रदेश सभामा सबैभन्दा बढी सदस्यहरू भएको संसदीय दलको नेतालाई मुख्यमन्त्री नियुक्ति गर्नुपर्ने छ,’ भनिएको छ ।

उक्त उपधारा अनुसार अब प्रदेश प्रमुखले उनलाई नियुक्ति दिँदै शपथ गराउने छन् । मुख्यमन्त्रीले आजै केही मन्त्रीसहित शपथ लिने बताइएको छ । दीपक मनाङे र राप्रपाका एकजनालाई मन्त्री बनाउने भनिए पनि यसबारेमा हिजो बसेको कांग्रेस संसदीय दलको बैठकमा केही कुरा उठेको छैन । पाण्डेको अघिल्लो पालामा मन्त्री भएकाहरुलाई दोहो¥याउन नहुने कांग्रेसकै सांसदहरुको भनाइ छ । अघिल्लो पटक कांग्रेसबाट सरस्वती अर्याल तिवारी, महेन्द्रजध्वज जिसी र जीतप्रकाश आले मन्त्री भएका थिए ।

शपथ गरेपछि मुख्यमन्त्रीले संविधानको धारा १६८ को उपधारा ४ अनुसार ३० दिनभित्र विश्वासको मत लिनुपर्ने छ ।

१६८ को ३ अनुसार बन्ने कांग्रेस सरकारलाई बहुमत पुग्न भने कठीन छ । कांग्रेसको २७, स्वतन्त्र सांसद मनाङेको १ र राप्रपाको २ गर्दा ३० मत हुन्छ । नपुग्ने १ मत हो । माओवादीको चुनाव चिह्नबाट जितेका नेपाल समाजवादी पार्टीका फडिन्द्र देवकाटाले अहिलेको अवस्थामा कांग्रेसलाई मत दिने देखिँदैन । माओवादी संसदीय दलको बैठकमा आउन छाडे पनि उनलाई ह्विप त्यहि दलकै लाग्छ ।

उक्त समयमा ३१ सांसद आफ्नो पक्षमा पुर्‍याउन नसकेमा पाण्डे स्वतः पदमुक्त हुन्छन् । त्यसपछि संविधानको धारा १६८ को उपधारा ५ अनुसारको सरकार गठनको प्रक्रिया सुरु हुन्छ ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width