पोखरा । हिलसाइड अंग्र्रेजी माध्यमिक विद्यालयमा खुला तथा अन्तरसदनात्मक बुद्धिचाल प्रतियोगिता सम्पन्न भएको छ । हालै विद्यालय प्राङ्गणमा एक समारोहबिच सम्पन्न भएको छ ।

करिब १ सय ५० जना विद्यार्थीहरू सहभागी भएको प्रतियोगितामा कक्षा ६ देखि १० सम्म अन्तरसदनात्मक रूपमा खेल सञ्चालन गरिएको थियो भने कक्षा ४ र ५ लाई कक्षागत खुला प्रतिस्पर्धामा सहभागी गराइएको थियो ।

अन्तरसदनात्मक प्रतियोगितातर्फ रातो सदनका रिदम पौडेलले प्रथम स्थान हात पारेका थिए भने हरियो सदनका केशव थापाले द्वितीय स्थान हात पारेका थिए । त्यसै गरी तृतीय स्थान निलो सदनका रियान अधिकारीले हात पारे ।

खुलारूपमा आयोजित कक्षा ४ र ५ तर्फ कक्षा ४ मा सौगात पौडेल प्रथम भएका थिए भने सुशान्त पराजुली द्वितीय भए । त्यसैगरी कक्षा ५ मा सायना गौचनले प्रथम स्थान हात पारेकी थिइन् भने एल्भिन सुवेदीले द्वितीय स्थान हात पारेका थिए ।

विद्यालयको सामाजिक अध्ययनका सिनियर शिक्षक नारायण भण्डारीको संयोजकत्वमा भएको प्रतियोगितामा शिक्षक शिव पराजुलीले विशेष सहयोग गरेका थिए ।