स्वस्थ जीवनसम्बन्धी प्रशिक्षण

आदर्श समाज सम्वाददाता
जेठ १३, २०८१
Radio sanket

गैंडाकोट । गैंडाकोट नगरपालिका वडा नम्बर ५ ले स्वस्थ जीवनसम्बन्धी प्रशिक्षण कार्यक्रम सम्पन्न गराएको छ ।

आफ्नो वडाभित्र रहेका १९ टोल विकास संस्थाका सम्पूर्ण सदस्य तथा वडाका जनतालाई शनिवार प्रशिक्षण दिइएको हो । रजहरस्थित प्राकृतिक चिकित्सालयका प्रमुख डा. विनोद पौडेल प्रशिक्षक थिए । कार्यक्रममा पौडेलले खराब जीवनशैली रोगहरूको प्रमुख कारण भएकाले स्वस्थ जीवनशैली आरोग्य जीवनको आधार भएको र हरेक रोगहरुसँग लड्ने रोगहरूको औषधी जीवनशैली नै रहेको बताए । पौडेलले मधुमेह, उच्च रक्तचाप, मुटुका रोग तथा मानसिक रोग जस्ता डरलाग्दा रोगहरू अनुचित जीवनशैलीकै उपज रहेको र यस्ता रोगबाट मुक्त हुन आफ्नो जीवनशैलीमा परिवर्तन ल्याउन आवश्यक रहेको बताए ।

नगर उपप्रमुख शान्ति कोइरालाले स्वच्छ र गुणस्तरीय खाना स्वस्थ जीवनका लागि पनि आवश्यक रहेको बताइन् । उनले सहभागीहरुलाई प्रशिक्षणमार्फत् लिएको ज्ञानले मात्रै नभई स्वस्थ र तन्दुरुस्त हुनका लागि स्वस्थ जीवनशैली आवश्यक रहेको बताइन् । वडा नम्बर ५ ले आयोजना गरेको कार्यक्रममा वडाध्यक्ष रत्नप्रसाद सापकोटाले स्वस्थ नागरिक समृद्ध मुलुकको आधार रहेको प्रस्ट्याउँदै मानव सभ्यतालाई जीवन्त राख्न आफ्नो जीवनशैलीमा परिवर्तन ल्याउन जरुरी रहेको बताए । कार्यक्रममा वडाका सम्पूर्ण जनप्रतिनिधि, टोल विकास संस्थाका अध्यक्षलगायत उपस्थित थिए । कार्यक्रम नगर कार्यपालिका सदस्य एवं महिला नेतृ शान्ति न्यौपानेको संयोजनमा भएको थियो ।

Related News

सम्बन्धित समाचार

hero news full width