शान्ति भूपू विद्यार्थी मञ्चमा तारानाथ

आदर्श समाज सम्वाददाता
जेठ १३, २०८१
shanti mabi

पोखरा । पोखरा १६ जुम्लेटीस्थित शान्ति भूपू विद्यार्थी मञ्च अध्यक्षमा तारानाथ आचार्य चयन भएका छन् ।

मञ्चको शनिबार छैटौं अधिवेशनले आचार्यको नेतृत्वमा ११ सदस्यीय समिति गठन गरेको हो । उपाध्यक्षमा यमनकाजी गुरुङ, कोषाध्यक्षमा भरत आचार्य, सचिवमा चन्द्र भट्टराई तथा सहसचिवमा लालप्रसाद आचार्य चयन भए । सदस्यमा तारा गुरुङ र राजेन्द्रबाबु कार्की चयन हुँदा अन्य सदस्य पछि चयन गरिने छ । मञ्च शान्ति माविमा अध्ययन गरेका पूर्व विद्यार्थीको साझा थलो हो ।

नवनिर्वाचित अध्यक्ष आचार्यले सम्पूर्ण भूपू विद्यार्थीहरु सक्रिय भएर विद्यालयको शैक्षिक गुणस्तर सुधारमा महत्वपूर्ण योगदान दिने प्रतिबद्धता जनाए ।
सो अवसरमा पूर्व प्रअहरु रामबहादुर बानियाँ, डम्बरबहादुर कार्की र भूपू विद्यार्थी मञ्चका संस्थापक अध्यक्ष तेजकुमारी गुरुङलाई सम्मान गरिएको थियो । यसअघि मञ्चको वार्षिक साधारणसभामा पोखरा १६ का वडासदस्य तथा पूर्व विद्यार्थी रामचन्द्र आचार्यले शान्ति माविको शैक्षिक गुणस्तर बढाउन आफ्नो तर्फबाट हुनसक्ने सम्पूर्ण प्रयास गर्ने बताए ।

पूर्व वडाध्यक्ष जीवनप्रसाद आचार्यले प्रशस्त मात्रामा जमिन र भवन भएर पनि त्यसको सदुपयोग हुन नसकेकोप्रति दुख व्यक्त गरे ।
कार्यक्रममा विद्यालयका आजीवन सदस्य तथा यातायात व्यवस्थापन समितिका संयोजक शेरबहादुर कार्की, प्रअ सूर्य गिरी, विद्यालय समितिका सदस्य मदनप्रसाद आचार्य, शिक्षक अभिभावक संघ अध्यक्ष सरस्वती पहारी, मञ्चका आजीवन सदस्य दीपक केसी, यमनकाजी गुरुङ, शालिग्राम आचार्य, सहायक प्रअ नवराज थापा लगायतले बोलेका थिए ।

मञ्चका निवर्तमान सचिव नवीनचन्द्र अधिकारीको अध्यक्षतामा भएको कार्यक्रमम विद्यालय व्यवस्थापन समितिका संस्थापक अध्यक्ष गणेशबहादुर थापाले शुभकामना मन्तव्य, सदस्य धनराज आचार्यले स्वागत मन्तव्य र सञ्चालन शिक्षिका चन्द्रा भट्टराईले गरेका थिए ।

Related News

सम्बन्धित समाचार

  • न्यू मोडलको फुटसलमा स्टेप बाइ स्टेप विजयी

    आदर्श समाज सम्वाददाता असार ८, २०८१
    पोखरा । न्यू मोडल सेकेन्डरी स्कुलमा आयोजित फुटसल प्रतियोगिताको उपाधि स्टेप बाइ स्टेप माविले जितेको छ । शुक्रबार फाइनलमा विष्णु पादुका…
  • ओलम्पिक डे अवसरमा माउन्ट अन्नपूर्णमा विविध प्रतियोगिता

    आदर्श समाज सम्वाददाता असार ४, २०८१
    पोखरा । ओलम्पिक डे अवसरमा माउन्ट अन्नपूर्ण मावि, नदीपुरले विविध प्रतियोगिता गर्ने भएको छ । असार ८ र ९ मा…
  • सृजना माविमा समर मेला

    आदर्श समाज सम्वाददाता असार ४, २०८१
    पोखरा । सृजना सेकेन्डरी स्कुल, सृजनाचोकमा सृजना समर मेला सम्पन्न भएको छ । गत वर्ष एसइईमा सम्मिलित विद्यार्थीले शैक्षिक वृद्धि,…
  • पश्चिमाञ्चलमा ‘फुड फेस्टिभल’

    आदर्श समाज सम्वाददाता असार २, २०८१
    पोखरा । वर्षभरिको सैद्धान्तिक र प्रयोगात्मक ज्ञान बाहिर ल्याउने गरी पश्चिमाञ्चल माविले शनिबार फुड फेस्टिभल आयोजना गरेको छ । कक्षा…
  • पोखरा इन्जिनियरिङ कलेजमा यन्त्र फेस्टिभल

    आदर्श समाज सम्वाददाता असार २, २०८१
    पोखरा । पोखरा इन्जिनियरिङ कलेज स्ववियु आयोजनामा यन्त्र इन्जिनियरिङ तथा आर्किटेक्चर फेस्टिबल सुरु भयो । २ दिनसम्म चल्ने यन्त्र फेस्टिभलमा…

hero news full width