पोखरा । आशीर्वाद क्लब अफ नेपालद्वारा आयोजित महानगरस्तरीय कवितावाचन प्रतियोगितामा अक्सफोर्ड स्कुलकी छात्रा लीना गुरुङ प्रथम भएकी छन् । प्रतियोगितामा भास्कर मेमोरियलका अभियान बास्तोला द्वितीय र मदरल्यान्ड माविका अनुष्ठान रेग्मी तृतीय भए । प्रतियोगितामा कूल ३३ प्रतिस्पर्धी रहेको आयोजक क्लबले जनाएको छ ।

प्रतियोगितामा प्रथम, द्वितीय र तृतीय हुनेले क्रमशः १० हजार, ५ हजार र ३ हजार नगद पुरस्कार पाउने छन् । पुरस्कार शनिबार हुने आशीर्वाद साहित्यिक साँझको दोस्रो संस्करण नियतिका बीच वितरण गरिने भएको छ ।

क्लबका अध्यक्ष मनीष बरालको अध्यक्षतामा भएको कार्यक्रम शोभाकान्त सिग्देलले उद्घाटन गरे । विक्रम बराल कार्यक्रम व्यवस्थापन र क्लबका सचिव अर्जुन बरालले सञ्चालन गरेका थिए ।