पोखरा । पोखरा आदर्श सेकेन्डरी स्कुलमा भएको मावि तहस्तरीय नेपाली वक्तृत्वकला प्रतियोगिता शुक्रबार सम्पन्न भएको छ । प्रतियोगितात्मक कार्यक्रममा कक्षा ८ का शिव कँडेल प्रथम, कक्षा ९ का माधव त्रिपाठी द्वितीय, कक्षा १० की सारा तामाङ तृतीय र कक्षा ८ का सुदर्शन पौडेल सान्त्वना भए ।

प्रतियोगिताको निर्णायकमण्डलमा विद्यालयका सहप्राचार्य ज्ञानेश्वर सुवेदी, कवि एवं प्राध्यापक शिव त्रिपाठी र नेपाली भाषा शिक्षक जानुका सुवेदी पौडेल रहेका थिए । प्रतियोगितामा २६ ले भाग लिएका थिए । विद्यालयका प्रधानाध्यापक फणीन्द्रप्रसाद अधिकारीको अध्यक्षतामा भएको कार्यक्रम सञ्चालन अतिरिक्त कार्यकलाप प्रमुख राजेश गौतमले गरेका थिए ।