पोखरा । विन्ध्येश्वरी आदर्श बोर्डिङ स्कुलमा नेपाली वक्तृत्वकला प्रतियोगिता सञ्चालन गरिएको छ । प्रतियोगिताअन्तर्गत मावितर्फ कक्षा १० की छात्रा अनिता विक प्रथम, कक्षा ९ की छात्रा ममता गुरुङ द्वितीय र कक्षा ९ कै छात्रा अंशु भुजेलले तृतीय भए । आधारभूत तह सिनियरतर्फ कक्षा ७ की छात्रा उपासना रेग्मी प्रथम, सोही कक्षाकी अंकिता पौडेल द्वितीय र कक्षा ८ का दिवस घिमिरे तृतीय भए ।

आधारभूत (जुनियर) तर्फ कक्षा ४ का छात्र सखिम बास्तोला प्रथम, कक्षा ५ की छात्रा श्रीषा तिमिल्सिना द्वितीय र कक्षा ४ की छात्रा डेलिसा सुवेदी तृतीय भए । जुनियर (२–३)तर्फ कक्षा ३ की छात्रा अनुस्का अधिकारी प्रथम, सोही कक्षाकी छात्रा सुजिता बालकोटी द्वितीय र कक्षा ३ कै छात्र अंकित मन्ना तृतीय भए ।

कार्यक्रम समापन गर्दै विद्यालयका प्राचार्य कृष्णकुमार श्रेष्ठले अतिरिक्त क्रियाकलापले विद्यार्थीभित्र रहेका अन्तर्निहित प्रतिभालाई प्रस्फुटन गर्न सहयोग गर्ने र विद्यार्थाीमा आत्मविश्वास बढ्ने, सबैका लागि प्रेरक बन्ने बताए । कार्यक्रम सञ्चालन शिक्षिका उर्मिला परियार र राजु बयलकोटीले गरेका थिए ।