विन्ध्यवासिनीमा मतदानबाटै क्याप्टेन र सहक्याप्टेन चयन

आदर्श समाज सम्वाददाता
जेठ ११, २०८१
bindhyabasini school

पोखरा । विन्ध्यवासिनी मावि, बाटुलेचौरमा निर्वाचन प्रक्रियामार्फत स्कुल क्याप्टेन र सहक्याप्टेन चयन गरिएको छ । संघीय निर्वाचनको झल्को दिने गरी मतप्रक्रिया मार्फत क्याप्टेनमा क्रिकेट व्याट चुनाव चिन्ह लिएर मैदानमा उत्रिएका विद्यार्थी गणेश शर्माले ३ सय ६५ मत प्राप्त गर्दै विजयी भए । उनका निकटतम् प्रतिस्पर्धी सनम भुजेलले १ सय १३ मत प्राप्त गरे । क्याप्टेनमा ५ जनाले प्रतिष्पर्धा गरेका थिए ।

सहक्याप्टेनमा भकुण्डो चुनाव चिन्ह लिएर मैेदानमा उत्रिएका विश्वास पोखरेललाई १ सय ४४ मतले पराजित गर्दै अनुष्का गुरुङ विजयी भइन् । उनले ३ सय २ मत प्राप्त गरेको निर्वाचन आयुक्तको जिम्मेवारी सम्हालेका सामाजिक विषयका शिक्षक कृष्णप्रसाद पौडेलले बताए । क्याप्टेनमा वृन्दा कँुवर, ईश्वर पाख्रिन र करुण आचार्य तथा सहक्याप्टेनमा रिकान्त शर्मा चुनावी मैदानमा उत्रिएका थिए ।

सहक्याप्टेनका लागि ३ जनाले उम्मेदवारी दिएको निर्वाचन आयुक्त पौडेलले बताए । कक्षा ५ देखि १० सम्मका विद्यार्थीले मतदान प्रक्रियामा भाग लिएको सो निर्वाचनमा ५ सय ८२ मत खसेकोमा १५ मत बदर भएको थियो । बिहान ११ देखि सुरु मतदान २ घण्टासम्म चलेको थियो । मतदा लगत्तै पर्यवेक्षक, सुरक्षाकर्मी र प्रत्यासीका प्रतिनिधि रोहवरमा मुचुल्का गरी कडा सुरक्षा घेराबीच मतगणना गरिएको थियो । ४ वटा मतदान केन्द्रमा मतदान अधिकृत र सहायक मतदान अधिकृतका रुपमा १६ जना विद्यार्थी खटिएका थिए । विद्यालयको पाठ्यक्रमै निर्वाचन र मतदानका विषय समावेश भएकाले पनि प्रयोगात्मक अभ्यासको रुपमा निर्वाचन गरिएको प्रधानाध्यापक कृष्णप्रसाद आचार्यले बताए ।
निर्वाचनमा सुरक्षाकर्मी, पत्रकार, पर्यवेक्षक, एजेन्ट, स्वयंसेवक र निर्वाचन कर्मचारीको रुपमा विद्यार्थी नै खटिएका थिए ।

गत बुधबार मनोनयन दर्ता गरेका उम्मेदवार विद्यार्थी मतदाताबीच आफना प्रतिबद्घता सार्वजनिक गरेका थिए । मतपत्र बाहेक निर्वाचनका आवश्यक सामग्री भने जिल्ला निर्वाचन कार्यालय कास्कीले सहयोग गरेको थियो ।

Related News

सम्बन्धित समाचार

  • न्यू मोडलको फुटसलमा स्टेप बाइ स्टेप विजयी

    आदर्श समाज सम्वाददाता असार ८, २०८१
    पोखरा । न्यू मोडल सेकेन्डरी स्कुलमा आयोजित फुटसल प्रतियोगिताको उपाधि स्टेप बाइ स्टेप माविले जितेको छ । शुक्रबार फाइनलमा विष्णु पादुका…
  • ओलम्पिक डे अवसरमा माउन्ट अन्नपूर्णमा विविध प्रतियोगिता

    आदर्श समाज सम्वाददाता असार ४, २०८१
    पोखरा । ओलम्पिक डे अवसरमा माउन्ट अन्नपूर्ण मावि, नदीपुरले विविध प्रतियोगिता गर्ने भएको छ । असार ८ र ९ मा…
  • सृजना माविमा समर मेला

    आदर्श समाज सम्वाददाता असार ४, २०८१
    पोखरा । सृजना सेकेन्डरी स्कुल, सृजनाचोकमा सृजना समर मेला सम्पन्न भएको छ । गत वर्ष एसइईमा सम्मिलित विद्यार्थीले शैक्षिक वृद्धि,…
  • पश्चिमाञ्चलमा ‘फुड फेस्टिभल’

    आदर्श समाज सम्वाददाता असार २, २०८१
    पोखरा । वर्षभरिको सैद्धान्तिक र प्रयोगात्मक ज्ञान बाहिर ल्याउने गरी पश्चिमाञ्चल माविले शनिबार फुड फेस्टिभल आयोजना गरेको छ । कक्षा…
  • पोखरा इन्जिनियरिङ कलेजमा यन्त्र फेस्टिभल

    आदर्श समाज सम्वाददाता असार २, २०८१
    पोखरा । पोखरा इन्जिनियरिङ कलेज स्ववियु आयोजनामा यन्त्र इन्जिनियरिङ तथा आर्किटेक्चर फेस्टिबल सुरु भयो । २ दिनसम्म चल्ने यन्त्र फेस्टिभलमा…

hero news full width