गण्डकीमा १ लाख १० हजार बालबालिकालाई आइपिभी

आदर्श समाज सम्वाददाता
जेठ ११, २०८१
vaccine

पोखरा ।  गण्डकी प्रदेशमा जेठ १३ गतेदेखि पोलियो रोगबिरुद्धको खोप सञ्चालन हुने भएको छ । इनएक्टिभेटेड पोलियो भ्याक्सिन (आइपिभी) खोप अभियान जेठ २६ गतेसम्म सञ्चालन हुनेछ ।

पोलियो उन्मुलनका लागि देशैभर सञ्चालन गरिने आइपिभी अभियान अन्तर्गत गण्डकीमा पनि जेठ १३ गतेदेखि जेठ २६ गतेसम्म यो अभियान सञ्चालन गरिन लागेको हो । अभियान अन्तर्गत देशैभर १४ लाख बढी बालबालिकालाई उक्त खोप लगाइने जनाइएको छ । गण्डकीका ११ जिल्लाका १ लाख १० हजार ३ सय २७ जना बालबालिकालाई आइपिभी खोप लगाइने गण्डकी प्रदेश सामाजिक विकास तथा स्वास्थ्य मन्त्रालयले जनाएको छ ।

आइपिभी खोप अभियान अन्तर्गत सबै बालबालिकालाई भने खोप नलगाइने सामाजिक विकास तथा स्वास्थ्य निर्देशनालय गण्डकीका खोप अधिकृत एकनारायण लम्सालले जानकारी दिए । उनका अनुसार विसं २०७३ वैशाखदेखि २०७५ असोजसम्म जन्मिएका बालबालिकाहरुलाई मात्र आइपिभी खोप लगाइनेछ । सो समयमा आइपिभी खोप उत्पादन नभएका कारण ती बालबालिकालाई खोप लगाइएको थिएन ।

खोप अधिकृत एकनारायण लम्सालका अनुसार कास्कीमा २८ हजार ३ सय ७, स्याङ्जामा १० हजार १ सय ४५, गोरखामा ८ हजार ५ सय ३९, लमजुङमा ६ हजार ६ सय ६५, पर्वतमा ५ हजार ७ सय, म्याग्दीमा ४ हजार ३ सय ५६, मुस्ताङमा ४ सय ५० र मनाङमा १ सय ५३ जना बालबालिकालाई खोप लगाईंदैछ । त्यस्तै, नवलपुरमा १९ हजार ७ सय २९, तनहुँमा १४ हजार ५ सय १२ र बागलुङमा ११ हजार ७ सय ७७ जना बालबालिकालाई खोप लगाइने उनले जानकारी दिए । विद्यालयमा खोप लगाउन छुटेका बालबालिकाहरुलाई भने अन्तिम दिन स्वास्थ्य संस्थामा लगाइने उनले जानकारी दिए ।

अभियान अन्तर्गत खोप लगाइने बालबालिकाहरुलाई विद्यालयमै गएर खोप लगाइने मन्त्रालयका सचिव डा. विनोदविन्दु शर्माले बताए । खोप अभियानका लागि गण्डकीमा ११ जिल्लामा ३ हजार ४ सय ५३ वटा खोप केन्द्र निर्धारण गरिएको छ । जसका लागि सोही मात्रामा स्वास्थ्यकर्मीसँगै ६ हजार ९ सय ६ जना स्वयंसेवक खटाइने उनले बताए ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • गण्डकी सरकारको ३२ अर्ब ९७ करोड बराबरको बजेट सार्वजनिक

    आदर्श समाज सम्वाददाता असार २, २०८१
    पोखरा । गण्डकी प्रदेश सरकारले आगामी आव २०८१/८२ का लागि ३२ अर्ब ९७ करोड ८५ लाख ७५ हजार बराबरको बजेट…

hero news full width