प्रतिपक्ष अनुपस्थित भए पनि गण्डकीको संसद बैठक बस्ने

आदर्श समाज सम्वाददाता
जेठ ११, २०८१
parle – 2081-02-11

पोखरा । प्रतिपक्षी दलहरु उपस्थित नभए पनि गण्डकी प्रदेश सभाको बैठक आज ३ बजे बस्ने भएको छ । आज भएको कार्य व्यवस्था परामर्श समितिको बैठकले उक्त निर्णय गरेको हो । प्रमुख प्रतिपक्षी दल नेपाली कांग्रेस प्रदेश सभाको बैठकमा उपस्थित हुने नहुनेबारे आधिकारिक सूचना सचिवालयमा प्राप्त नभएकाले बैठक बस्ने निर्णय गरिएको हो । कार्य व्यवस्था समितिको बैठकमा एमाले, माओवादी र सरकारको प्रतिनिधित्व भए पनि कांग्रेस र राप्रपाका प्रतिनिधि उपस्थित भएनन् ।

माओवादीकै तर्फबाट कार्य व्यवस्थामा प्रतिनिधित्व गर्ने समाजवादी पार्टीका फडिन्द्र देवकोटा समेत बैठकमा आएनन् ।

प्रदेश सभाको बैठक बस्ने तर प्रतिपक्षी दलहरु उपस्थित नभएमा जेठ १५ गते १ बजे बैठक बस्ने निर्णय कार्य व्यवस्थाले गरेको छ ।

बजेट पेस हुनुभन्दा १५ दिन अगावै सरकारको सिद्धान्त र प्राथमिकता सदनमा पेस गर्नुपर्ने व्यवस्था अनुसार आज बैठक बस्न लागेको हो । तर आज बैठक बसे पनि सिद्धान्त र प्राथमिकता भने पेस नहुने बैठकमा सहभागी १ सदस्यले बताए ।

मुख्यमन्त्री अधिकारीले पाएको विश्वासको मतमाथि नै प्रश्न उठाएर रिट हालेको प्रमुख प्रतिपक्षी दल कांग्रेसले अहिलेको अवस्थामा बैठकमा सहभागी हुन नसकिने धारणा सार्वजनिक नै गरिसकेको छ ।
बैठक सुरु हुनुअघि बैठक कक्षको सुरक्षा जाँच समेत गरिसकिएको छ । प्रहरीका कुकुर लगेर कक्षमा निरीक्षण गरिएको छ । त्यसै अनुसार मर्यादापालक समेत तैनाथ भइसकेका छन् ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width