लान्द्रुकका भिरौटेको सामूहिक सम्मान

आदर्श समाज सम्वाददाता
जेठ ११, २०८१
hunting

पोखरा ।  अन्नपूर्ण–७, लान्द्रुकमा आयोजित भिरमौरीको मह काढ्ने महोत्सव अवसरमा १८ जना भिरौटे (भिरबाट मह काढ्ने व्यक्ति) सम्मानित भए ।

सम्मानित हुनेमा आनन्द पौडेल, घनश्याम चापागाई, नक्कल गुरुङ, खड्गबहादुर मगर, मनबहादुर पुन मगर, भीमबहादुर गुरुङ, भीमबहादुर पुन मगर, अर्जुन गुरुङ र जय पौडेल क्षत्री छन् । त्यस्तै, स्थानीय जंगवीर क्षत्री, प्रतापबहादुर गुरुङ, भमोरसिंह गुरुङ, देवीलाल भण्डारी, सेते गुरुङ, नन्दलाल भण्डारी, क्षेरलाल गुरुङ, वाल पाध्या र लीला पाध्यालाई पनि मरणोपरान्त सम्मान गरिएको छ ।

भिरमौरीका साथै महभिरको संरक्षण गर्दै गाउँको चिनारी बढाउन योगदान पु¥याएकामा उनीहरुलाई अन्नपूर्ण गाउँपालिका अध्यक्ष विष्णुबहादुर केसी, उपाध्यक्ष चन्द्रकला अधिकारी लगायत मूल आयोजक समितिले सम्मानपत्र र दोसल्लासहित सम्मान गरेका हुन् ।

मंगलबारदेखि ३ दिनसम्म आयोजित तेस्रो संस्करणको महोत्सवबीच स्थानीय मोदीखोला किनारको कोटेसाङ भिरमा रहेका ३० घारगोलाबाट करिब २ सय ५० सय लिटर मह संकलन गरिएको छ । संकलित मह प्रतिलिटर ३ हजारमा बिक्री हुने जनाइएको छ ।

अन्नपूर्ण आधार शिविर तथा मर्दी हिमाल पदमार्गमा पर्ने उक्त स्थानमा आन्तरिक तथा बाह्य पर्यटक प्रवद्र्धन गर्ने उद्देश्यले महोत्सव आयोजना गरिएको मूल आयोजक समिति अध्यक्ष सुरेश गुरुङले जानकारी दिए ।

महोत्सव उद्घाटन गर्दै गाउँपालिका अध्यक्ष विष्णुबहादुर केसीले नौलो कार्यक्रम गरेकोमा स्थानीयलाई धन्यवाद दिए । उनले महोत्सवले लान्द्रुक लगायत अन्नपूर्ण गाउँपालिकालाई नै ब्रान्डिङ गर्न सफल भएको बताए । गाउँपालिका किसानको पक्षमा रहेको सुनाउँदै अध्यक्ष केसीले आगामि ३ वर्षभित्र चन्द्रकोट हुँदै लान्द्रुक पुग्ने अधिकांश बाटो ढलान गर्ने प्रतिबद्धता जनाए । उनले वडा ७ र १० जोड्ने गरी मोदीखोलामाथि पक्की पुल निर्माणको प्रक्रिया अगाडि बढेको जनाउँदै पुल निर्माणसँगै स्थानीयलाई सहजता थपिने विश्वास लिए ।

उपाध्यक्ष चन्द्रकला देवकोटा अधिकारीले आर्थिक समृद्धिका लागि महोत्सवको भूमिका रहने आंैल्याउँदै पर्यटन सँगसँगै कृषिलाई पनि महत्व दिन स्थानीयलाई सुझाव दिइन् ।
गाउँपालिकाका प्रमुख प्रशासकीय अधिकृत विष्णुप्रसाद पोखरेलले परागशेचन प्रक्रियामा मौरीको भूमिका अतुलनीय रहने चर्चा गर्दै इतिहास र मौलिकता नमर्ने गरी महोत्सवलाई निरन्तरता दिनुपर्नेमा जोड दिए ।

गाउँपालिका प्रवक्ता एवं वडाध्यक्ष भरतमान गुरुङले महोत्सवले लान्द्रुकलाई पहिचान दिएको जनाउँदै विभिन्न क्रियाकलापमार्फत अझै त्यस क्षेत्रमा पर्यटन प्रवद्र्धन गर्न बाँकी रहेको प्रस्टाए ।

त्यस अवसरमा पालिकास्तरीय महिला सञ्जाल अध्यक्ष कमला केसी, समाजसेवी श्यामबहादुर गुरुङ, वडा सदस्यद्वय गौप्रसाद गुरुङ र रामबहादुर गुरुङ, महोत्सव मूल आयोजक समिति अध्यक्ष सुरेश गुरुङ, सचिव बलबहादुर केसी, स्थानीय मोतीबहादुर गुरुङ, लक्ष्मण भण्डारी लगायतले पर्यटनमार्फत लान्द्रुकको पहिचानलाई विश्ववजारमा पुर्‍याउनुपर्नेमा जोड दिए ।

लान्दु्रकमा प्रत्येक वर्ष कात्तिक÷मंसिर तथा वैशाख÷जेठमा गरी २ पटक भिरमौरीको मह काढ्ने गरिन्छ । भिरबाट मह निकाल्न स्थानीयले डोरीको भ¥याङ, मह संकलन गर्ने भाँडो, गोला तान्ने डोरी, छाती र कम्मरमा सुरक्षाका लागि पेटी, गाग्री, डोको लगायतका सामग्री प्रयोग गर्ने गर्दछन् ।

Related News

सम्बन्धित समाचार

  • स्केटबोर्ड प्रतियोगितामा समीर प्रथम

    आदर्श समाज सम्वाददाता असार ८, २०८१
    पोखरा । विश्व स्केट बोर्ड दिवस अवसरमा नेपाल स्केट बोर्ड संघले पोखरामा शुक्रबार ११ औं जिल्लास्तरीय खुला स्केट बोर्ड प्रतियोगिता…
  • पोखरामा मनाइयो विश्व संगीत दिवस

    आदर्श समाज सम्वाददाता असार ८, २०८१
    पोखरा । पोखरामा शुक्रबार विविध सांस्कृतिक कार्यक्रमसहित विश्व संगीत दिवस मनाइएको छ । तरेली सांस्कृतिक परिवारको आयोजना र गण्डकी प्रज्ञा–प्रतिष्ठानको…
  • फेवातालमा पौडिने क्रममा डुबेर मृत्यु

    आदर्श समाज सम्वाददाता असार ८, २०८१
    पोखरा । फेवातालमा पौडी खेल्ने क्रममा डुबेर शुक्रबार एक युवकको मृत्यु भएको छ । मृत्यु हुनेमा कास्कीको अन्नपूर्ण गाउँपालिका २,…
  • न्यू मोडलको फुटसलमा स्टेप बाइ स्टेप विजयी

    आदर्श समाज सम्वाददाता असार ८, २०८१
    पोखरा । न्यू मोडल सेकेन्डरी स्कुलमा आयोजित फुटसल प्रतियोगिताको उपाधि स्टेप बाइ स्टेप माविले जितेको छ । शुक्रबार फाइनलमा विष्णु पादुका…
  • प्राइम सहकारी ठगीमा थप ३ जना प्रतिवादी पक्राउ

    आदर्श समाज सम्वाददाता असार ८, २०८१
    पोखरा। प्राइम बहुउद्देश्यीय सहकारी संस्था लि.को बचत तथा सम्पत्ति हिनामिना गरी ठगी गरेको कसूरमा थप ३ जना प्रतिवादी पक्राउ परेका…

hero news full width