गण्डकीमा जिडिपी वृद्धिदर सबैभन्दा बढी

आदर्श समाज सम्वाददाता
जेठ १०, २०८१
Gandaki census

पोखरा । गण्डकीको कुल गार्हस्थ उत्पादन (जिडिपी) उपभोक्ताको मूल्यमा चालु आवका लागि ५ खर्ब १७ अर्ब हुने अनुमान गरिएको छ ।

राष्ट्रिय तथ्यांक कार्यालयले आव २०८०/८१ को प्रादेशिक कुल गार्हस्थ उत्पादन अनुमानसम्बन्धी सार्वजनिकीकरण कार्यक्रममा उक्त जानकारी गराइएको हो ।

तथ्यांक अधिकृत शिव श्रेष्ठले चालु आवको प्रारम्भिक अनुमान बमोजिम उपभोक्ताको मूल्यमा प्रादेशिक कुल गार्हस्थ्य उत्पादनको वृद्धिदर सबैभन्दा धेरै गण्डकीमा ४ दशमलब ५५ प्रतिशत रहेको र त्यसपछि लुम्बिनीमा ४ दशमलब ०५ प्रतिशत रहेको जानकारी दिए । उनका अनुसार सबैभन्दा थोरै वृद्धिदर ३ दशमलब ३९ प्रतिशत कर्णालीमा हुने प्रारम्भिक अनुमान छ ।

उपभोक्ताको मूल्यमा राष्ट्रिय कुल गार्हस्थ्य उत्पादन वृद्धिदर ३ दशमलब ८७ प्रतिशत हुने अनुमान गरिएकोमा गण्डकी, लुम्बिनी र बागमती प्रदेशको राष्ट्रिय वृद्धिदरभन्दा धेरै र बाँकी प्रदेशको राष्ट्रिय वृद्धिदरभन्दा थोरै हुने प्रारम्भिक अनुमान गरिएको श्रेष्ठले बताए । सबै प्रदेशमा आव २०७८/७९ को वृद्धिदरभन्दा आव २०७९/८० को वृद्धिदर कम देखिएको बताउँदै उनले आव २०७९/८० को वृद्धिदरभन्दा आव २०८०/८१ को वृद्धिदर धेरै रहेको जानकारी दिए ।

कार्यालयका निर्देशक डा. ज्ञानेन्द्र बज्राचार्यले चालु आवमा गण्डकीमा राष्ट्रिय तहको कुल गार्हस्थ उत्पादनमा ९ दशमलब ०६ प्रतिशत योगदान पुर्‍याउने प्रारम्भिक अनुमान गरिएको बताउँदै गत आव २०७९/८० मा पनि यस प्रदेशले ९ दशमलब ०६ प्रतिशत नै योगदान पुु¥याउने प्रारम्भिक अनुमान गरिएको जानकारी दिए ।

कार्यालयले चालुु आव २०८०/८१ मा गण्डकी प्रदेशको कुल गार्हस्थ उत्पादनमा सबैभन्दा धेरै २५ दशमलब ७२ प्रतिशत योगदान कृषि, वन तथा मत्स्य क्षेत्रको रहने र सबैभन्दा न्यून शून्य दशमलब ३१ प्रतिशत योगदान प्रशासनिक सहयोगी सेवा क्षेत्रको रहने प्रारम्भिक अनुमान गरेको छ । चालुु आवका लागि कुल मूल्य अभिवृद्धिको वृद्धिदर सबैभन्दा धेरै २२ दशमलब ८४ प्रतिशत आवास तथा भोजन सेवा क्षेत्रको र सबैभन्दा थोरै १ दशमलब ९६ प्रतिशत निर्माण क्षेत्रको हुने अनुमान गरिएको छ ।

कार्यक्रममा गण्डकी प्रदेश नीति तथा योजना आयोग उपाध्यक्ष डा.श्रीकान्त खतिवडाले सही तथ्यांकले नै कुनै पनि विकास तथा योजनाका लागि महत्वपूर्ण आधार तय गर्ने बताए । सही तथ्यांक माध्यमबाट समृद्धि र विकासका योजनालाई अघि बढाउन सकिने उनले जनाए ।

Related News

सम्बन्धित समाचार

  • स्केटबोर्ड प्रतियोगितामा समीर प्रथम

    आदर्श समाज सम्वाददाता असार ८, २०८१
    पोखरा । विश्व स्केट बोर्ड दिवस अवसरमा नेपाल स्केट बोर्ड संघले पोखरामा शुक्रबार ११ औं जिल्लास्तरीय खुला स्केट बोर्ड प्रतियोगिता…
  • पोखरामा मनाइयो विश्व संगीत दिवस

    आदर्श समाज सम्वाददाता असार ८, २०८१
    पोखरा । पोखरामा शुक्रबार विविध सांस्कृतिक कार्यक्रमसहित विश्व संगीत दिवस मनाइएको छ । तरेली सांस्कृतिक परिवारको आयोजना र गण्डकी प्रज्ञा–प्रतिष्ठानको…
  • फेवातालमा पौडिने क्रममा डुबेर मृत्यु

    आदर्श समाज सम्वाददाता असार ८, २०८१
    पोखरा । फेवातालमा पौडी खेल्ने क्रममा डुबेर शुक्रबार एक युवकको मृत्यु भएको छ । मृत्यु हुनेमा कास्कीको अन्नपूर्ण गाउँपालिका २,…
  • न्यू मोडलको फुटसलमा स्टेप बाइ स्टेप विजयी

    आदर्श समाज सम्वाददाता असार ८, २०८१
    पोखरा । न्यू मोडल सेकेन्डरी स्कुलमा आयोजित फुटसल प्रतियोगिताको उपाधि स्टेप बाइ स्टेप माविले जितेको छ । शुक्रबार फाइनलमा विष्णु पादुका…
  • प्राइम सहकारी ठगीमा थप ३ जना प्रतिवादी पक्राउ

    आदर्श समाज सम्वाददाता असार ८, २०८१
    पोखरा। प्राइम बहुउद्देश्यीय सहकारी संस्था लि.को बचत तथा सम्पत्ति हिनामिना गरी ठगी गरेको कसूरमा थप ३ जना प्रतिवादी पक्राउ परेका…

hero news full width